EPS pension: పీఎఫ్ ఖాతాదారులకు శుభవార్త.. ఈపీఎఫ్‌వో కీలక ప్రకటన, మరో 2 నెలల పాటు..
PF Account | ఎంప్లాయీస్ ప్రావిడెంట్ ఫండ్ ఆర్గనైజేషన్ (ఈపీఎఫ్‌వో) కీలక ప్రకటన చేసింది.
పీఎఫ్ ఖాతాదారులకు ఊరట కలిగే నిర్ణయం తీసుకుంది. అధిక పెన్షన్ కోసం అప్లై చేసుకోవడానికి గడువు పొడిగిస్తున్నట్లు ప్రకటించింది. దీని వల్ల చాలా మందికి బెనిఫిట్ కలుగనుంది.
సాధారణంగా అధిక పెన్షన్ కోసం అప్లై చేసుకోవడానికి నేటితో గడువు ముగియాల్సి ఉంది. అంటే మే 3 డెడ్‌లైన్‌. అయితే ఇప్పుడు ఈపీఎఫ్‌వో మాత్రం ఈ గడువును పొడిగించింది. జూన్ 26 వరకు గడువు ఇస్తున్నట్లు వెల్లడించింది.
ఈపీఎఫ్‌వో ఇలా అధిక పెన్షన్ కోసం అప్లై చేసుకోవడానికి గడువు పొడిగించడం ఇది రెండవ సారి. ఇదివరకు చూస్తే.. దేశీ అత్యున్నత న్యాయ స్థానం సుప్రీం కోర్టు ప్రకారం చూస్తే.. తీర్పు వెలువడిన రోజు (2022 నవంబర్ 4) నుంచి నాలుగు నెలల వరకు గడువు ఉంటుందని తెలిపింది. అంటే మార్చి 3 వరకు గడువు ఉంది
అయితే సుప్రీం కోర్టు ఉత్తర్వులను అమలు చేయడంలో ఈపీఎఫ్‌వో జాప్యం చేసింది. దీంతో అధిక పెన్షన్ కోసం అప్లై చేసుకోవడానికి మే 3 డెడ్‌లైన్‌గా నిర్ణయించారు. అయితే ఇప్పుడు దీన్ని మరోసారి పొడిగిస్తూ ఈపీఎఫ్‌వో నిర్ణయం తీసుకుంది.
2014 సెప్టెంబర్ 1 కన్నా ముందు ఈపీఎఫ్ సభ్యులుగా ఉన్న వారికి మాత్రమే అధిక పెన్షన్ కోసం అప్లై చేసుకునే వెసులుబాటు ఉంటుంది. అది కూడా అర్హత కలిగిన వారికే ఇది వర్తిస్తుంది. అందువల్ల పీఎఫ్ ఖాతాదారులు ఈ విషయాన్ని గుర్తించుకోవాలి
ఈపీఎఫ్‌వో తాజా నిర్ణయం నేపథ్యంలో అధిక పెన్షన్ కోసం అర్హత కలిగిన వారు అన్ని డాక్యుమెంట్లను సమకూర్చుకొని పెన్షన్ కోసం అప్లై చేసుకోవచ్చు. ఈపీఎఫ్‌వో పోర్టల్ ద్వారా మీరు అధిక పెన్షన్ అప్లికేషన్ సమర్పించొచ్చు
కంపెనీ వద్ద ఉద్యోగి వేతనానికి సంబంధించిన వివరాలు లేకపోతే? అప్పుడు ఏం చేయాలి? అనే సమస్య అలానే కొనసాగుతోందని, దీనికి ఈపీఎఫ్‌వో పరిష్కారం చూపించాల్సి ఉందని ఈవై ఇండియా పీపుల్ అడ్వైజరీ సర్వీసెస్ పార్ట్‌నర్ పునీత్ గుప్తా తెలిపారు.
అంతేకాకుండా తాజాగా పొడిగించిన గడువు అనేది కేవలం ఉద్యోగులకు అధిక పెన్షన్ కోసం అప్లై చేసుకోవడానికి మాత్రమే కల్పించారా? లేదంటే కంపెనీ అప్రూవ్ చేయడానికి కూడా గడువు పొడిగించారా? అనే అంశంపై స్పష్టత రావాల్సి ఉందన్నారు. ఇలా అస్పష్టమైన అంశాలు చాలానే ఉన్నాయని ఆయన అభిప్రాయపడ్డారు.
అంతేకాకుండా ఈపీఎఫ్‌వో 1.16 అదనపు కంట్రిబ్యూషన్ విధానాన్ని తీసుకువచ్చింది. అయితే సుప్రీం కోర్టు దీని స్థానంలో మరో కొత్త విధానాన్ని తీసుకురావాలని సూచించింది. అయితే ఇప్పటి వరకే ఈపీఎఫ్‌వో ఈ అంశంపై కూడా స్పష్టత ఇవ్వలేదని తెలిపారు.
0 Comments:
Post a Comment