Golden Lake Hotel: వరల్డ్‌లోనే ఫస్ట్ గోల్డెన్ హోటల్..టాయిలెట్ కూడా ప్యూర్ 24క్యారెట్ గోల్డ్‌తో కట్టించారు
బంగారు పళ్లెంలో భోజనం చేసేంత ధనవంతుల గురించి విన్నాం. కాని ఏకంగా బంగారం పూత పూసిన హోటల్ ఒకటి ఉందని...దాన్ని 24క్యారెట్ ప్యూర్ గోల్డ్‌తో 6స్టార్ హోటల్‌గా కట్టించారంటే ఎవరైనా నమ్ముతారా..? నమ్మాలి..ఆ హోటల్ ఎక్కడుందో..ఎంత ఖర్చు చేశారో..ఒక్కరోజు అందులో ఉండాలంటే ఎంత ఖర్చు అవుతుందో మీకు తెలియజేస్తున్నాం.
హనోయి గోల్డెన్ లేక్ హోటల్ వియత్నాం రాజధాని హనోయిలో ఉంది. ఇది చాలా మంది పర్యాటకులను ఆకర్షిస్తుంది. ఇది లోపల మరియు వెలుపల 24 క్యారెట్ల బంగారంతో పూత చేయబడింది. ప్రపంచంలోనే బంగారు పూత పూసిన మొట్టమొదటి హోటల్ ఇదే కావడం విశేషం.
2009లో నిర్మించబడిన ఈ డోల్స్ హనోయి గోల్డెన్ లేక్ హోటల్‌కి వచ్చే అతిథులకు గోల్డ్ కప్పులో కాఫీని అందించింది. ఇక్కడ గిన్నె, గాజు, చెంచా అన్నీ బంగారమే. అయితే ఇప్పుడు హోటల్ మొత్తం బంగారంతో తయారైంది.
అలాగే ఇక్కడ స్నానం చేసే స్విమ్మింగ్ పూల్, టెర్రస్ మరియు బాత్ టబ్ కూడా బంగారు పూతతో ఉంటాయి. అక్కడ టాయిలెట్ సీటు కూడా బంగారు పూతతో తయారు చేశారంటే ఎంతో రిచ్చో అర్ధం చేసుకోండి. గోల్డ్ స్ట్రెస్ తగ్గిస్తుందని చాలా మంది నమ్ముతారు. అందుకే ఈ స్టార్ హోటల్‌ని పూర్తిగా బంగారంతో తయారు చేశారు నిర్వాహకులు.
దాదాపు 54,000 అడుగుల నడక మార్గం, స్విమ్మింగ్ పూల్, గోడలు, నేలపై బంగారు పూతతో కప్పబడి ఉన్నాయి. నిజానికి ఇక్కడ అన్నీ బంగారంతో చేసినవే. ఈ హోటల్ దాదాపు 25 అంతస్తులను కలిగి ఉంది. ఇందులో మొత్తం 400 గెస్ట్‌ రూమ్‌లు ఉన్నాయి.
బంగారం పూతతో కట్టారని కేవలం ధనవంతులకే ఆహ్వానిస్తారనే అపోహ వద్దు. ఈ గోల్డ్ ప్లేటెడ్ స్టార్ హోటల్ అతి ధనవంతుల నుంచి సామాన్యుల వరకు ప్రతి ఒక్కరు విజిట్ చేయడానికి ఆహ్వానిస్తోంది. అందుకే ఇది సోషల్ మీడియాలో బాగా ప్రాచుర్యం పొందిందని హోటల్ యాజమాన్యంలోని హోవా బిన్ గ్రూప్ ప్రెసిడెంట్ న్గుయెన్ హు డుయోంగ్ తెలిపారు.
అంతా బాగానే ఉంది. ఇంతటి ఖరీదైన హోటల్‌లో ఒక్క రోజు బస చేయాలంటే రెంట్ ఛార్జీ కూడా అంత పెద్ద మొత్తంలోనే ఉంది. లగ్జరీ గోల్డ్ హోటల్‌లో ఒకరోజు స్టే చేయడానికి $250 ఖర్చవుతుంది. అంటే ఇండియన్ కరెన్సీలో సింగిల్ బెడ్రూంకు 20వేలు ఖర్చు చేయాల్సి ఉంటుంది. అదే డబుల్ బెడ్ రూమ్‌ కిరాయి 75,000 వేల రూపాయలు చెల్లించుకోవాలి.
0 Comments:
Post a Comment