కేంద్ర ప్రభుత్వంలోని వివిధ శాఖలకు చెందిన సంస్థల్లో క్లరికల్ పోస్టులను(Clerical Posts) భర్తీ చేయడానికి స్టాఫ్ సెలక్షన్ కమిషన్(SSC) ఏటా రిక్రూట్‌మెంట్ పరీక్షలను నిర్వహిస్తుంటుంది.
తాజాగా మల్టీ-టాస్కింగ్ (నాన్-టెక్నికల్) స్టాఫ్, హవల్దార్ (CBIC & CBN) పోస్టుల భర్తీకి అధికారికంగా నోటిఫికేషన్ జారీ చేసిన విషయం తెలిసిందే. ఈ నోటిఫికేషన్(Notification ) ద్వారా మొత్తం 11,409 పోస్టుల్నిభర్తీ చేయనున్నారు.
దరఖాస్తు ప్రక్రియ ఇప్పటికే ప్రారంభం కాగా.. ఫిబ్రవరి 17తో ఈ దరఖాస్తుల ప్రక్రియ ముగియాల్సి ఉంది. కానీ .. తాజాగా దరఖాస్తుల స్వీకరణ ప్రక్రియను పెంచారు. దీనికి సంబంధించి పూర్తి వివరాలు ఇలా ఉన్నాయి.
తాజాగా విడుదల చేసిన నోటీస్ ప్రకారం.. ఈ దరఖాస్తుల ప్రక్రియను ఫిబ్రవరి 24 వరకు పొడిగించారు. ఫిబ్రవరి 26 వరకు ఫీజు చెల్లించేందుకు అవకాశం ఇచ్చారు.
మార్చి 2, 3తేదీల్లో దరఖాస్తుల సవరణకు అవకాశం కల్పించనున్నారు. కంప్యూటర్ బేస్డ్ ఎగ్జామినేషన్ ద్వారా ఈ పోస్టులకు ఎంపిక చేయనుంది స్టాఫ్ సెలక్షన్ కమిషన్.
అభ్యర్థులు హిందీ, ఇంగ్లీష్‌తో పాటు తెలుగు, ఉర్దూ, అస్సామీ, బెంగాలీ, గుజరాతీ, కన్నడ, కొంకణి, మలయాళం, మణిపురి, మరాఠీ, ఒడియా, పంజాబీ, తమిళం లాంటి 13 ప్రాంతీయ భాషల్లో కూడా ఎగ్జామ్ రాయొచ్చు.
విద్యార్హతలు..
అభ్యర్థులు తప్పనిసరిగా పదోతరగతి ఉత్తీర్ణులై ఉండాలి. లేదా గుర్తింపు పొందిన బోర్డు నుంచి కటాఫ్ తేదీ ఫిబ్రవరి 17, 2023 కంటే ముందుగా పదికి సమానమైన పరీక్షలో ఉత్తీర్ణులై ఉండాలి.
CBN (రెవెన్యూ శాఖ)లో MTS, హవల్దార్ పోస్టులకు దరఖాస్తు చేసుకునే అభ్యర్థుల వయసు జనవరి 1 2023 నాటికి 18 నుంచి 25 ఏళ్ల మధ్య ఉండాలి. CBIC (రెవెన్యూ శాఖ)లో హవల్దార్, కొన్ని MTS పోస్టులకు దరఖాస్తు చేసుకోవాలంటే అభ్యర్థి వయసు జనవరి 1, 2023 నాటికి 18 నుంచి 27 ఏళ్ల మధ్య ఉండాలి.
రిజర్వేషన్ అభ్యర్థులకు వయోపరిమితిలో సడలింపు ఉంటుంది. అంటే ఎస్సీ, ఎస్టీ అభ్యర్థులకు 5 ఏళ్లు, ఓబీసీ అభ్యర్థులకు మూడేళ్ల వయోపరిమితి సడలింపు ఉంటుంది.
అప్లికేషన్ ఫీజు
అన్ రిజ్వర్డ్, బీసీ అభ్యర్థులు రూ.100 ఫీజు చెల్లించాలి. ఇక ఎస్సీ, ఎస్టీ, పీడబ్ల్యూడీ, ఈఎస్‌ఎం, మహిళా అభ్యర్థులకు ఫీజు మినహాయింపు ఇచ్చారు.
వీరు ఎలాంటి ఫీజు చెల్లించాల్సిన అవసరం ఉండదు. దరఖాస్తుల సమర్ఫణకు డైరెక్ట్ గా ఈ లింక్ద్వారా చేసుకోవచ్చు.
0 Comments:
Post a Comment