Union Budget 2023: బడ్జెట్‌లో పన్ను మినహాయింపు పరిమితి రూ. 5 లక్షలు?

 Union Budget 2023: బడ్జెట్‌లో పన్ను మినహాయింపు పరిమితి రూ. 5 లక్షలు?

ఆదాయపు పన్ను మినహాయింపు పరిమితిని రూ.5 లక్షలకు పెంచాలని కేంద్రం ఆలోచిస్తోంది. రెండేళ్ల క్రితం అమల్లోకి వచ్చిన ప్రత్యామ్నాయ వ్యక్తిగత ఆదాయపు పన్ను విధానానికి ఇది సప్లిమెంట్‌గా పరిగణించబడిందని ప్రభుత్వ అధికారి ఒకరు చెప్పినట్లు బిజినెస్ స్టాండర్డ్ నివేదించింది .

ప్రస్తుతం వార్షిక ఆదాయం రూ.2.5 లక్షల లోపు ఉన్నవారు పన్ను చెల్లించాల్సిన అవసరం లేదు. పన్ను మినహాయింపు పరిమితిని పెంచడం వల్ల పెట్టుబడికి మరింత అవకాశం లభిస్తుందని, పన్ను మదింపు రేటు కూడా తగ్గుతుందని అధికారి తెలిపారు.

ప్రస్తుతం చాలా తక్కువ మంది పన్ను చెల్లింపుదారులు మాత్రమే ప్రత్యామ్నాయ పన్ను విధానాన్ని ఎంచుకున్నారు. చాలా మందికి, పాత ఆదాయపు పన్ను పాలసీని ఎంచుకుంటే, ఆదాయపు పన్ను చట్టంలోని సెక్షన్ 80సి, 80డి ద్వారా ఎక్కువ పన్ను మినహాయింపులు పొందే అవకాశం ఉంది. ప్రత్యామ్నాయ పన్ను విధానంలో అనేక మినహాయింపు ఆప్షన్‌లు లేవు. రూ.5 లక్షలు వరకు ఆదాయం పన్ను మినహాయింపు. రూ. 2.5 లక్షల నుంచి రూ. 5 లక్షల మధ్య ఆదాయానికి రాయితీ లభిస్తుంది. ఇలా కొత్త ప్రత్యామ్నాయ పన్ను విధానంలోనూ, పాత పన్ను విధానంలోనూ రూ.5 లక్షలు. వరకు ఆదాయం ఆర్జించే వారికి పన్ను మినహాయింపు లభిస్తుందని ఆర్థిక మంత్రి నిర్మలా సీతారామన్‌ తెలిపారు. అయితే ప్రస్తుతం రూ.2.5 నుంచి రూ.5 లక్షల వరకు 5 శాతం పన్ను ఉంది. దీనిని ఎత్తివేయాలని కోరుతున్నారు. అయితే కేంద్రం ఈ 5 శాతం పన్నును ఎత్తివేసే అవకాశం కనిపిస్తోంది. ఈ బడ్జెట్‌లో దీనిపై ప్రకటన వెలువడే అవకాశం ఉంది. ప్రస్తుతం రూ.2.5 లక్షల వరకు ఉన్న ఆదాయంపై మాత్రమే పన్ను మినహాయింపు ఉంది. కేంద్రం ఆమోదిస్తే ఇప్పుడు రూ.5 లక్షల వరకు ఆదాయం ఉన్నవారికి ఎలాంటి పన్ను చెల్లించాల్సి అవసరం ఉండదు.

పన్ను మినహాయింపుపై చర్చలు:

పన్ను మినహాయింపు పరిమితి పెంపు, ప్రత్యామ్నాయ ఆదాయపు పన్ను విధానాన్ని మరింత ఆకర్షణీయంగా మార్చే అంశంపై బడ్జెట్ ప్రవేశపెట్టే సందర్భంగా చర్చ జరుగుతోంది. పలు శాఖలకు సంబంధించి సలహాలు కోరినట్లు సంబంధిత వర్గాలు తెలిపాయి. వచ్చే వారం నుంచి పన్ను సంబంధిత బడ్జెట్ సన్నాహాలు ప్రారంభం కానున్నాయి. ప్రత్యామ్నాయ పన్నుల విధానాన్ని మరింత ఆకర్షణీయంగా మార్చే అంశంపై బడ్జెట్ సన్నాహక సమావేశాల్లో చర్చిస్తామని అధికారి తెలిపారు.

అయితే మొత్తం ఆదాయంపై అటువంటి ప్రతిపాదన ప్రభావం, దానిని అమలు చేయడం సాధ్యమేనా అనే దానిపై ఆధారపడి ఉంటుందని ఆయన అన్నారు. పన్ను మినహాయింపు పరిమితి పెంపు ఆదాయంపై ఎలాంటి ప్రభావం చూపుతుందన్న చర్చ సాగుతోంది. పాత, ప్రత్యామ్నాయ ఆదాయపు పన్ను విధానాన్ని మార్చాల్సిన అవసరం ఉందా లేదా అనే దానిపై సంప్రదింపులు జరుగుతున్నాయని తెలుస్తోంది.

ప్రస్తుతం పన్ను విధానం ఇలా ఉంది

• 2.5 లక్షలు రూ. ఆదాయం వరకు జీరో పన్ను

• 2.5 లక్షల నుంచి రూ. 5 లక్షల ఆదాయంపై 5 శాతం పన్ను

• 5 లక్షల నుంచి 7.5 లక్షల మధ్య ఆదాయంపై 10% పన్ను

• రూ.7.5 లక్షల నుంచి రూ.10 లక్షల మధ్య ఆదాయంపై 15% పన్ను

• 10 లక్షల నుంచి 12.5 లక్షల మధ్య ఆదాయంపై 20% పన్ను

• 12.5 లక్షల నుంచి 15 లక్షల మధ్య ఆదాయంపై 25% పన్ను

• 15 లక్షలు రూ. అదనపు ఆదాయంపై 30 శాతం పన్ను