Tradition - ఈ చిత్రాలు ఇంట్లో ఉంటే సంపద మీ వెంటే
సందర్భానుసారంగా ఇంటిని ఎప్పటికప్పుడు కొత్తగా అలంకరించుకోవడం బావుంటుంది. ఇంటిని అలంకరించుకునేందుకు దొరికే ఏ సందర్భాన్ని వదలరు మనలో కొందరు. ఈ అలంకారం వాస్తు నియమానుసారం ఉంటే అందానికి అందం, ఆనందాలు ఇంట్లో చేరుతాయి.
కొత్త సంవత్సరం మరి కొద్ది రోజుల్లోనే ఉంది. ఒకొక్కరు ఒక్కోరకంగా ఇంటి అలంకారం మీద దృష్టి పెడతారు. కొంత మంది కొత్త పేయింటింగ్స్ తో ఇంటిని అలంకరించుకోవాలని అనుకుంటారు. ఇలా పేయింటింగ్స్ తో అలంకరించుకోవాలనుకునే వారికి వాస్తు పండితులు కొన్ని చిట్కాలు సూచిస్తున్నారు.
ఏడు గుర్రాల చిత్రం
ఇంట్లో ఏడు గుర్రాల చిత్రాన్ని ఉంచడం చాలా శుభప్రదమని వాస్తు చెబుతోంది. ఇది ఇంట్లోకి పాజిటివ్ ఎనర్జీనీ ఆకర్శిస్తుందట. ఇంట్లో నివసించే అందరి జీవితాలు అభివృద్ధి వైపు సాగుతాయని పండితులు సూచిస్తున్నారు.
ఇంట్లో ఏడు గుర్రాల పేయింటింగ్ ఉంచితే లక్ష్మీ కటాక్షం దొరికి ప్రతి విషయంలోనూ విజయం సాధిస్తారు. సంఘంలో గౌరవం పొందుతారు. ఇంట్లో సౌకర్యాలు పెరుగుతాయి. కొత్త సంవత్సరంలో మీ ఇంటికి అదృష్టాన్ని తేవాలని అనుకుంటే తప్పకుండా ఏడు గుర్రాల చిత్రాన్ని ఇంట్లో పెట్టుకోవాలి.
కొన్ని నిమయాలు
ఏడుగుర్రాల పేయింటింగ్ ఇంట్లో పెట్టుకోవాలనుకున్నపుడు కొన్ని నియమాలను పాటిస్తే మంచి ఫలితాలు పొందవచ్చు.
గుర్రాలన్నీ స్పష్టంగా కనిపించాలి.
గుర్రాలను పగ్గాలతో బంధించి ఉంచకూడదు.
గుర్రాల ముఖాలు ప్రసన్నంగా కనిపించాలి.
అన్ని గుర్రాలు ఒకే దిశలో పరుగెడుతున్నట్టు ఉండాలి.
ఈ చిత్రాన్ని ఇంట్లో తూర్పువైపు ఉన్న గోడకు అలంకరించాలి. ఆఫీస్ లేదా వ్యాపార స్థలాల్లో దక్షిణం వైపు గోడకు పెట్టుకోవడం మంచిది.
ఇలాంటి చిత్రం పెట్టుకోకూడదు
ఇంట్లో ఏడు గుర్రాల పేయింటింగ్ శుభప్రదం. అయితే ఈ గుర్రాలు వేర్వేరు దిశల్లో పరుగెడుతున్నట్టు ఉండకూడదు.
ఒక్క గుర్రం ఉండే పోస్టర్ ఇంట్లో అసలు పెట్టుకోకూడదు.
రథం లాగుతున్న గుర్రం ఫోటోలు కూడా పెట్ట కూడదు
యుద్ధ భూమిలో పోరాటంలో ఉన్న గుర్రం చిత్రం కూడా ఇంట్లో పెట్టుకోవడానికి పనికి రాదు.
ఇలాంటి గుర్రాల ఫోటోలు ఇంట్లోకి నెగెటివ్ ఎనర్జీని ఆకర్శిస్తాయి. సంపద నశించి, దారిద్ర్యం చేరుతుంది.
కోపంతో ఉన్న గుర్రం బోమ్మ ఇంట్లో పెట్టుకోకూడదు. ఈ చిత్రం వల్ల ఇంట్లో అశాంతి ప్రభలుతుంది.
చిత్రంలో ఉండే ఏడు గుర్రాలు ఒకే రంగులో ఉండాలి.
గుర్రాలు నిలబడి లేదా, కూర్చుని ఉన్న చిత్రాలు కూడా ఇంటికి అంత మంచిది కాదు. దీని వల్ల ఆర్థికి స్థితి స్తబ్ధుగా అవుతుంది. ఇంట్లో గొడవలు పెరుగుతాయి.
కృష్ణుడి చిత్రాలు
చాలా మంది మహాభారతంలోని కురుక్షేత్ర చిత్రాన్ని గుర్రాలు ఉన్నాయి కదా అని పెట్టుకుంటుంటారు. కానీ ఇది అంత మంచిది కాదు. ఈ చిత్రం ఇంట్లో అశాంతికి, యుద్ధ వాతావరణానికి కారణం కాగలదు
ఆగ్నేయ దిశలో శ్రీ కృష్ణుడి చిత్ర పటం పెట్టుకుంటే ఇంట్లోకి దివ్య శక్తి ధారాళంగా వస్తుంది. దక్షిణాన కృష్ణుడు గోవర్థన గిరి ఎత్తిన చిత్రాన్ని పెట్టుకుంటే సమస్యలు దూరమవుతాయి. ప్రమాదాలను నివారించబడుతాయి. నైరుతిలో శ్రీకృష్ణుడి చిత్ర పటాన్ని పెట్టుకుంటే దుష్టశక్తులు దరిచేరవు.
0 Comments:
Post a Comment