ప్రస్తుత రోజులలో అనేక రకాల కొత్తకొత్త రోగాలు మనల్ని చుట్టూ ముడుతున్నాయి. కొన్ని రకాల రోగాలకు మందులు ఉంటె కరోనా క్వాంటి మహమ్మారికి వ్యాధి నిరోధక శక్తిని పెంచుకోవడం తప్ప మరొక మార్గం లేకుండా పోయింది.
ఇటువంటి పరిస్థితులలో దాదాపు అందరిలోనూ ఆరోగ్యం పట్ల శ్రద్ధ పెరిగింది. వీలైనంత వరకు పోషకాహారం తీసుకోవడం ద్వారా ఇమ్యునిటి పవర్ పెంచుకునే ప్రయత్నాలు మొదలు పెట్టారు.
ఈ క్రమంలోనే పూర్తిగా రసాయనాలతో పండించిన ఆహార పదార్థాలను పక్కన పెట్టి ఆర్గానిక్ వైపు మొగ్గు చూపుతున్నారు. ఉదయం మనం నిద్ర లేవగానే మనకి కాఫీ లేదా టీ గొంతులో దిగానిదే మన రోజు ప్రారంభం కాదు.
అయితే దీని కొరకు ప్రస్తుతం వాడుతున్న పంచదారకి ఒక అద్భుతమైన ప్రత్యామ్నాయం తాటి బెల్లం. తాటి బెల్లంలో అవసరమైన ఖనిజాలు సమృద్ధిగా లభిస్తాయి. చక్కెర కంటే 60 రెట్లు ఎక్కువ ఖనిజాలను కలిగి ఉందని అనేక ఆరోగ్య అధ్యయనాలు వెల్లడిస్తున్నాయి. అలాగే ఖనిజాలతో పాటు అనేక విటమిన్లు దీనిలో లభిస్తుంది.
మరి తాటి బెల్లంలోని పోషక విలువలు, ఆరోగ్య ప్రయోజనాల గురించి తెలుసుకుందాం.. తాటి బెల్లం మన పురాతన ఆయుర్వేద వైద్యంలో ఎంతో ప్రాముఖ్యతను కలిగి ఉన్నది. మనం తిన్న ఆహారం జీర్ణం కావటానికి తాటి బెల్లం చాలా బాగా ఉపయోగపడుతుంది.
మనదేశంలోని కొన్ని ప్రాంతాలలో, ఆహారాన్ని జీర్ణం చేయటానికి తిన్న తర్వాత తప్పకుండా చిన్న తాటి బెల్లం ముక్కను తింటారు.
తిన్న ఆహారాన్ని జీర్ణం చేసి పేగు శుభ్రపరచడానికి సహాయపడుతుంది. ఇంకా తాటి బెల్లంలో ఐరన్‌ సమృద్ధిగా ఉంటుంది. ఇది మీ రక్తంలో హిమోగ్లోబిన్ స్థాయిని పెంచుతుంది. ఆస్తమా ని తగ్గిస్తుంది.
మరో వైపు ఇందులో ఉన్న మెగ్నీషియం నాడీ వ్యవస్థను నిమంత్రిస్తుంది. ఇందులో ఎముకలకు బలాన్ని ఇచ్చే కాల్షియం, పొటాషియం, భాస్వరం సమృద్ధిగా ఉంటాయి.
స్త్రీలలో బహిష్టు సమస్యలను అరికడుతుంది. దీనిలో ఉండే యాంటీ ఆక్సిడెంట్లు బ్లడ్ ప్యూరిఫై చేసి శరీరంలో దెబ్బతిన్న కణజాలాన్ని పునరుద్ధరిస్తుంది.
రోగనిరోధక శక్తిని పెంచుతుంది. శరీరంలో వేడిని తొలగిస్తుంది. తాటి బెల్లంలో ఎక్కువగా శక్తి కలిగి ఉంటాయి. ఇది చక్కెర కంటే త్వరగా జీర్ణం అవుతుంది.
దాన్ని క్రమంగా తీసుకుంటే నీరసం అనేది రాదు. శరీరానికి ఎక్కువ శక్తిని అందజేస్తుంది. తాటి బెల్లం లో ఫైబర్ల ఎక్కువగా ఉంటుంది. ఈ ఫైబర్స్ మలబద్ధకం మరియు అజీర్తి చికిత్సకు సహాయపడతాయి.
శరీరంలో హానికర టాక్సిన్స్ ను బయటకి పంపిస్తుంది. మలబద్దకం సమస్యను నివారిస్తుంది. దీనిని రోజు తీసుకోవడం వలన శరీర పుష్టి మరియు వీర్య వృద్ధి కలుగుతుంది.
తాటి బెల్లం తినడం ద్వారా క్యాన్సర్ కారకాలతో పోరాడి క్యాన్సర్ రాకుండా చేస్తుంది అలాగే శరీరంలో ఉండే విష పదార్థాలను బయటికి పంపిస్తుంది.
ఇది శ్వాసకోశ, ప్రేగులు, ఆహార గొట్టం, ఊపిరితిత్తులు మరియు చిన్న ప్రేగులు, పెద్ద ప్రేగులలో ఉండే విషపదార్థాలను బయటికి పంపించి, ప్రేగు కాన్సర్ రాకుండా చేస్తుంది. వాస్తవానికి, ఇది పొడి దగ్గు .
ఆస్త్మా వంటి శ్వాసకోశ సమస్యలతో బాధపడుతున్న వ్యక్తి దానిని ఉదయాన్నే తింటే మంచి ఫలితం ఉంటుంది. గోరు వెచ్చని నీటిలో తాటి బెల్లం కలుపుకొని తాగడం వలన జలుబు, దగ్గు నివారింపబడుతుంది.
మైగ్రెయిన్ తలనొప్పికి దివ్యౌషధంగా పనిచేస్తుంది. ఉదయాన్నే 1 tsp తాటి బెల్లం తీసుకుంటే మైగ్రెయిన్ తలనొప్పి తగ్గుతుంది.
అధిక బరువును తగ్గించడంలో మరియు బీపీ ని కంట్రోల్ చేయడంలో ఉపకరిస్తుంది. లివర్ ఆరోగ్యాన్ని మెరుగుపరుస్తుంది.
0 Comments:
Post a Comment