Affordable Electric Scooter: రూ.35 వేలకే ఎలక్ట్రిక్ స్కూటర్.. అదిరిపోయే ఫీచర్లతో!
e-Scooter | ఎలక్ట్రిక్ స్కూటర్లకు డిమాండ్ నానాటికీ పెరిగిపోతూనే వస్తోంది.
ఎలక్ట్రిక్ స్కూటర్ అమ్మకాలు కూడా దుమ్మురేపుతున్నాయి. రోజురోజుకు పెరుగుతూ వస్తున్నాయి. కొత్త కొత్త కంపెనీలు ఈ మార్కెట్‌లోకి ఎంట్రీ ఇస్తున్నాయి.
ఇప్పటికే బజాజ్ ఆటో, హీరో మోటొకార్ప్, టీవీఎస్ మోటార్స్ వంటి దిగ్గజ కంపెనీలు ఎలక్ట్రిక్ స్కూటర్లను అందిస్తున్నాయి. వీటితో పాటుగా ఓలా ఎలక్ట్రిక్, ఏథర్ వంటి కొత్త స్టార్టప్స్ కూడా ఎలక్ట్రిక్ టూవీలర్ విభాగంలో దూసుకుపోతున్నాయి.
అయితే మీరు ఎలక్ట్రిక్ స్కూటర్ కొనుగోలు చేయాలని భావిస్తే మాత్రం రూ.లక్ష వరకు పెట్టుకోవాలి. అయితే మీ బడ్జెట్ తక్కువ అయితే, మీకు కూడా ఒక ఎలక్ట్రిక్ స్కూటర్ అందుబాటులో ఉంది. తక్కువ ధరకే దీన్ని కొనొచ్చు.
ఐఐటీ ఢిల్లీ బేస్డ్ ఎలక్ట్రిక్ మొబిలిటీ స్టార్టప్ బాజ్ బైక్స్ కూడా ఎలక్ట్రిక్ వెహికల్ మార్కెట్‌లోకి ఎంట్రీ ఇచ్చింది. ఆఫర్డబుల్ ఇస్కూటర్ తీసుకువచ్చింది. అలాగే వీటిల్లో బ్యాటరీ స్వాపింగ్ ఫెసిలిటీ కూడా ఉంది.
అంతేకాకుండా వర్షం, దుమ్ము వంటి వాటికి ఇవి పాడవకుండా ఉండేందుకు వీటికి ఐపీ65 రేటింగ్ కూడా ఉంది. ఇలా బాజ్ ఎలక్ట్రిక్ స్కూటర్‌లో అదిరే ఫీచ్లు ఉన్నాయని చెప్పుకోవచ్చు. అంతేకాకుండా దీని రేటు కేవలం రూ. 35 వేలు మాత్రమే.
ఈ ఎలక్ట్రిక్ స్కూటర్‌లోని బ్యాటరీని కేవలం 90 సెకన్లలోనే మార్చొచ్చని కంపెనీ పేర్కొంటోంది. బ్యాటరీ స్వాపింగ్ స్టేషన్‌లో బ్యాటరీని మార్చుకుంటూ నాన్ స్టాప్‌గా ప్రయాణం చేయొచ్చు. ఇది చాల బెస్ట్ ఫీచర్ అని చెప్పుకోవచ్చు.
బాజ్ బైక్స్ ఎలక్ట్రిక్ స్కూటర్ విషయానికి వస్తే.. దీని పొడవు 1624 ఎంఎ:, విడ్త్ 680 ఎంఎం, హైట్ 1052 ఎంఎం. అలాగే ఈ వెహికల్‌కు ఎలాంటి రిజిస్ట్రేషన్ అవసరం లేదు. అలాగే డ్రైవింగ్ లైసెన్స్‌తో పని లేదు. ఒక్కసారి చార్జింగ్ పెడితే 100 కిలోమీటర్లు వెళ్లొచ్చు.
ఈ ఇ స్కూటర్ గరిష్ట స్పీడ్ గంటకు 25 కిలోమీటర్లు. ఇందులో డ్యూయల్ ఫోర్క్ హైడ్రాలిక్ సస్పెన్షన్ సెటప్ ఉంది. వెనుక భాగంలో డ్యూయెల్ షాక్ అబ్జార్బర్స్ ఉన్నాయి. అందువల్ల స్కూటర్ స్మూత్‌గానే వెళ్తుంది.
అంతేకాకుండా ఈ ఎలక్ట్రిక్ స్కూటర్‌లో మరో అదిరే ఫీచర్ కూడా ఉంది. మీరు సులభంగానే మీ స్కూటర్‌ను ఎక్కడ ఉందో గుర్తించొచ్చు. జనాలు ఎక్కువగా ఉండే రద్దీ ప్రాంతంలో మీరు మీ వెహికల్‌ను పార్క్ చేసిన సులభంగానే ఎక్కడ ఉందో గుర్తించొచ్చు. దీని కోసం ఈ స్కూటర్‌లో ఫైండ్ మై స్కూటర్ బటన్ ఫీచర్ ఇచ్చారు. దీని సాయంతో ఈజీగా మీ వెహికల్ ఉందో కనుక్కోవచ్చు.
0 Comments:
Post a Comment