Ruturaj Gaikwad: చరిత్ర సృష్టించిన రుతురాజ్.. 7 బంతుల్లో 7 సిక్స్‌లు! ప్రపంచంలోనే తొలి ఆటగాడిగా... వీడియో చూడండి..
టీమిండియా యువ ఆటగాడు రుత్రాజ్ గైక్వాడ్‌ సరి కొత్త చరిత్ర సృష్టించాడు. విజయ్ హజారే ట్రోఫీలో మహారాష్ట్రకు ప్రాతినిథ్యం వహిస్తున్న రుత్రాజ్ ఏకంగా ఒకే ఓవర్లో ఏడు సిక్స్‌లు బాదాడు.
ఈ టోర్నీ క్వార్టర్స్ ఫైనల్స్‌లో భాగంగా ఉత్తర్ ప్రదేశ్‌తో జరిగిన మ్యాచ్‌లో రుత్రాజ్ ఈ అరుదైన ఘనత సాధించాడు.
మహారాషష్ట్ర ఇన్నింగ్స్‌ 49 ఓవర్‌ వేసిన శివ సింగ్ బౌలింగ్‌లో ఈ అద్భుతం చోటు చేసుకుంది. వరుసగా నాలుగు బంతులను రుతురాజ్ సిక్సర్లు బాదగా.. ఐదో బంతిని బౌలర్‌ నోబాల్‌గా వేసాడు. ఆ బంతిని కూడా సిక్స్ బాదిన రుతురాజ్ తర్వాతి రెండు బంతులను కూడా స్టాండ్స్‌కు తరిలించాడు.
కాగా ఒకే ఓవర్లో ఆరు సిక్స్‌లు కొట్టడం సాధారణంగా మనం చూస్తూ ఉంటాం. కానీ ఒకే ఓవర్లో ఏడు సిక్స్‌లు బాదడం ప్రపంచ క్రికెట్‌ చరిత్రలో ఇదే తొలి సారి. ఇక ఈ మ్యాచ్‌లో 159 బంతులు ఎదుర్కొన్న గైక్వాడ్‌ 16 సిక్సులు, 10 ఫోర్లతో 220 పరుగులు చేసి ఆజేయంగా నిలిచాడు. రుత్రాజ్ తుపాన్‌ ఇన్నింగ్స్‌ ఫలితంగా మహరాష్ట్ర నిర్ణీత 50 ఓవర్లలో 5 వికెట్లకు 330 పరుగులు చేసింది.
0 Comments:
Post a Comment