హిమాలయాలు (Himalayas) భారత దేశానికి పెట్టని గోడలా ఉన్నాయని మనం చిన్నప్పటి నుంచీ చదువుకుంటూనే ఉన్నాం.
మంచుతో కప్పి ఉండే ఈ పర్వతాల ప్రకృతి రమణీయతకు ఎవరైనా ముగ్దులు కావాల్సిందే. మన దేశానికి ఉత్తర సరిహద్దుగా ఉన్న వీటి అందాన్ని ట్రెక్కింగ్‌ చేసుకుంటూ వెళ్లి ఆస్వాదించవచ్చు.
లేకపోతే బేస్‌ క్యాంప్ వరకు వాహనాల్లో షికారు కొట్టి ఆనందించవచ్చు. అంతే కాని టాప్‌ వ్యూలో వీటిని చూడాలంటే మాత్రం కొంచెం కష్టమే. ఎందుకంటే వీటిపై నుంచి సాధారణ ప్రయాణికుల విమానాలు ఏవీ ఎగరవు. అందుకు కొన్ని కారణాలు ఉన్నాయి. ఆసక్తికరమైన ఆ విషయాలేమిటో ఇక్కడ చదివేయండి.
హిమాలయాలు(Himalayas) 23 వేల అడుగుల ఎత్తులో విస్తరించి ఉన్నాయి. వీటి సరాసరి ఎత్తు ఆరు వేల మీటర్లుగా ఉంది. వీటిలో ఎత్తయిన ఎవరెస్టు శిఖరం 8,848 మీటర్లు ఉంది. కమర్షియల్‌ ఎయిర్ క్రాఫ్ట్‌లు ఇంత తక్కువ ఫ్లైట్‌ లెవెల్‌లో ఎగరవు. అందుకనే బోయింగ్‌777-300లాంటి పెద్ద పెద్ద విమానాలు హిమాలయాల పై నుంచి ఎగరవు.
* గాలి దొరకదు : హిమాలయాలు స్ట్రాటో ఆవరణం(Stratosphere) వరకు పైకి ఉంటాయి. ఈ ఆవరణంలో గాలి తక్కువగా ఉంటుంది. సాధారణ ప్రయాణికుల విమానం సముద్ర మట్టానికి 30 నుంచి 35వేల అడుగుల ఎత్తులో ప్రయాణిస్తుంది. అంతకంటే ఎత్తున ఎగరడం విమానాలకు ప్రమాదకరంగా మారుతుంది. ఇక్కడ ఎగరాలంటే ఇంకా ఎత్తుకు వెళ్లి ఎగరాల్సి ఉంటుంది. దీంతో అది జరగని పనిగా ఉంది.
* ఎమర్జెన్సీ ల్యాండింగ్ కష్టం : అత్యవసర పరిస్థితుల్లో విమానాలలో లభించే ఆక్సిజన్ 20 నుంచి 25 నిమిషాల వరకు దానిలోని ప్రయాణికులకు సరిపోతుంది. ఈలోపు విమానం ఎనిమిది నుంచి 10 వేల అడుగులు కిందికి రావాల్సి ఉంటుంది. హిమాలయాల్లో విమానాలు అంత తక్కువ సమయంలో కిందకు దిగలేవు. దీంతో అక్కడ ఎగరడం ప్రమాదకరం.
దురదృష్టవశాత్తూ ఎప్పుడైనా అత్యవసర ల్యాండింగ్(Emergency Landing) చేయాల్సి వస్తే.. హిమాలయాలలో దిగడానికి చదునైన భూభాగం లేదు. దీనికి తోడు నావిగేషన్‌ డివైజ్‌లు కూడా వాతావరణ పరిస్థితుల వల్ల అక్కడ సరిగ్గా పని చేయవు. దీంతో ఏదైనా తప్పు జరిగితే ఎయిర్ ట్రాఫిక్ కంట్రోల్‌తో కమ్యూనికేషన్ తెగిపోయే ప్రమాదం ఉంటుంది.
* వాటికి మాత్రమే అనుమతి : కొన్ని అధునాతన ఎరోప్లేన్‌లలో మాత్రమే ఇలాంటి పెద్ద పర్వత శ్రేణుల మీదుగా ఎగిరేందుకు వీలయ్యే ఇక్విప్‌మెంట్‌, సౌకర్యాలు ఉంటాయి. అలాగే కొన్ని రకాల మిలటరీ హెలీకాఫ్టర్లు కూడా వీటి గుండా ఎగరడం మనం చూస్తుంటాం. ఇలా కొన్ని మాత్రమే వీటి పై నుంచి ఎగరగల సామర్థ్యంతో ఉంటాయి.
0 Comments:
Post a Comment