దిశ, వెబ్‌డెస్క్ : Credit Card Limit: మీ క్రెడిట్ కార్డ్ లిమిట్ ఎంత? మీరు ప్రతీ నెలా ఎంత వాడుతున్నారు? క్రెడిట్ కార్డ్ లిమిట్ (Credit Card Limit) మొత్తం ఉపయోగిస్తే చిక్కులు తప్పవు.
క్రెడిట్ కార్డ్ ఎలా వాడాలో, మొత్తం లిమిట్‌లో ఎంత ఉపయోగించాలో తెలుసుకోండి.
మీరు క్రెడిట్ కార్డ్ వాడుతున్నారా? బ్యాలెన్స్ ఉంది కదా అని మొత్తం వాడేస్తున్నారా? అయితే జాగ్రత్త :
ఇటీవల కాలంలో క్రెడిట్ కార్డ్ (Credit Card) వినియోగం బాగా పెరిగిపోయింది. ఆన్‌లైన్ షాపింగ్ (Online Shopping) నుంచి పేమెంట్స్ వరకు క్రెడిట్ కార్డ్ వాడుతున్నారు.
క్రెడిట్ కార్డుపై 20 రోజుల నుంచి 60 రోజుల వరకు ఇంటరెస్ట్ ఫ్రీ అంటే వడ్డీలేకుండా చెల్లించే అవకాశం ఉంటుంది. కొన్ని క్రెడిట్ కార్డులపై 90 రోజుల వరకు పేమెంట్ చేసే అవకాశం ఉంటుంది.
అందుకే క్రెడిట్ కార్డ్ తీసుకునేందుకు ఆసక్తి చూపిస్తుంటారు. డబ్బులు ఉన్నా, క్రెడిట్ కార్డుతో లావాదేవీలు చేసి, తమ దగ్గర ఉన్న డబ్బుల్ని షార్ట్ టర్మ్ ఇన్వెస్ట్‌మెంట్స్ చేస్తుంటారు. అయితే క్రెడిట్ కార్డ్ లిమిట్ మొత్తం వాడేస్తే చిక్కులు తప్పవు. అది మీ క్రెడిట్ స్కోర్‌ను దెబ్బతీస్తుంది. ఎలాగో తెలుసుకోండి
మీరు ప్రతీ నెలా మీ క్రెడిట్ లిమిట్‌ను మొత్తం వాడేస్తుంటే మీరు డిఫాల్ట్ చేయొచ్చన్న అనుమానంతో బ్యాంకులు మీ క్రెడిట్ లిమిట్‌ను తగ్గించే అవకాశం ఉంది.
క్రెడిట్ కార్డ్ ఉపయోగించే విషయంలో క్రెడిట్ యుటిలైజేషన్ రేషియో నియమాలు పాటించాలని చెబుతుంటారు పర్సనల్ ఫైనాన్స్ ఎక్స్‌పర్ట్స్. క్రెడిట్ కార్డ్ లిమిట్ ఎంత ఉంటే అంత వాడకూడదని అంటారు.
క్రెడిట్ యుటిలైజేషన్ రేషియో 30 శాతం ఉండాలి. అంటే మీ క్రెడిట్ కార్డ్ లిమిట్ రూ.1,00,000 ఉంటే మీరు అందులో 30 శాతం అంటే కేవలం రూ.30,000 మాత్రమే వాడుకోవాలి.
అంతకన్నా ఎక్కువ వాడితే మీ క్రెడిట్ స్కోర్ పైన ప్రభావం పడుతుంది. మీరు ఎంత ఎక్కువ వాడితే అంత క్రెడిట్ స్కోర్ తగ్గుతుంది.
క్రెడిట్ స్కోర్ తగ్గితే మీరు భవిష్యత్తులో రుణాలకు అప్లై చేసినప్పుడు ఇబ్బందులు ఎదుర్కోవాల్సి వస్తుంది. మీ క్రెడిట్ యుటిలైజేషన్ రేషియోను బట్టి మీ క్రెడిట్ స్కోర్ మారుతూ ఉంటుంది.
మీరు మీ క్రెడిట్ లిమిట్‌ను ఎక్కువగా వాడుతున్నారంటే మీరు ఎక్కువగా అప్పు చేస్తున్నారని అర్థం. అందుకే క్రెడిట్ లిమిట్ ఎక్కువగా వాడకూడదంటారు పర్సనల్ ఫైనాన్స్ ఎక్స్‌పర్ట్స్.
0 Comments:
Post a Comment