పిల్లల్లకి పెళ్లి చేసేముందు ప్రతి తలిదండ్రులు తప్పక తెలుసుకోవలసిన విషయాలు..

ప్రతిఒక్కరి జీవితంలో వివాహం అనేది చాలా ముఖ్యమైనది. పెళ్లి విషయంలో ప్రతిఒక్కరూ జాగ్రత్తగా ఉండాల్సిన అవసరం ఎంతైనా ఉంది. ఎందుకంటే పెళ్లికి ముందు జీవితం వేరు ఆ తరవాత వచ్చే జీవితం వేరు.

పెళ్లి తరవాత భార్యకు అయినా భర్తకు అయినా బాధ్యతలు పెరుగుతాయి. అంతే కాకుండా కేవలం పాతికేళ్లు మాత్రమే తల్లిదండ్రులతో ఉంటే మిగతా జీవితం మొత్తం జీవిత భాగస్వామితోనే గడపాల్సి ఉంటుంది. 

ఇక పెళ్లి విషయంలో ఇరువురి తల్లిదండ్రుల పాత్ర ఎంతో ముఖ్యమైనది. పెళ్లి తరువాత జీవితం వేరుగా ఉంటుంది కాబట్టి తల్లిదండ్రులు ముందే తమ పిల్లలను పెళ్లికి సిద్దం చేయాలి.

అబ్బాయి తల్లిదండ్రులు మేము అబ్బాయి పేరెంట్స్ అని గొప్పలకు పోకూడదు. వచ్చే కోడలికి సరిపోయేలా తమ ఇంటి వాతావరణాన్ని సిద్దం చేయాలి. 

రాబోయే కోడలికి కంఫర్ట్ గా ఉండేలా తాము కూడా ముందే అన్ని విదాలా సిద్దం కావాలి. కోడలు రాగానే తమ పద్దతులను పూర్తిగా వివరించాలి.

అలా చేయడం వల్ల వచ్చిన కోడలు తన పద్దతులను మార్చుకుంటుంది. ఇంట్లో ఏమైనా గొడవలు ఉన్నా వాటిని ముందే పరిష్కరించుకుని ఆ గొడవలకు పులిస్టాప్ పెట్టాలి. 

ఇక అమ్మాయిల తల్లిదండ్రుల విషయానికి వస్తే పెళ్లికి ముందే తమ కూతురుకు కొత్త వాతావరణానికి వెళుతున్నావు కాబట్టి అక్కడ అడ్జస్ట్ అవ్వడం నేర్చుకోవాలని సూచించాలి. అత్త మామలతో ప్రేమగా ఉండాలని చెప్పాలి.

ఎలాంటి సమస్య వచ్చినా తొందర పడకుండా అత్తామామలకు వివరించాలని తెలపాలి. భర్తతో ప్రేమగా ఉండాలని సూచించాలి. 

ఎలాంటి కష్టం వచ్చినా తాము అండగా ఉంటామని ధైర్యంగా వెళ్లమని చెప్పాలి. 

అలా తల్లిదండ్రులు ధైర్యం చెబితే కొత్త ఇంటికి వెళ్లే కూతురుకు ఏం జరిగినా నాకు నా కుటుంబం ఉంది అనే ధైర్యం ఉంటుంది.