WhatsApp: వాట్సప్ యూజర్లకు బ్రేకింగ్ న్యూస్... ఆ ఫీచర్ వచ్చేసింది..
1. వాట్సప్ యూజర్లకు శుభవార్త.
వాట్సప్‌లో మరో కొత్త ఫీచర్ వచ్చేసింది. రియాక్షన్స్ ఫీచర్‌ను అధికారికంగా రిలీజ్ చేసింది వాట్సప్. టెలిగ్రామ్, ఐమెసేజ్ లాంటి ప్రత్యర్థుల్ని ఎదుర్కోవడం కోసం వాట్సప్ యూజర్ల కోసం రియాక్షన్స్ ఫీచర్‌ను (WhatsApp Reactions Feature) యూజర్లకు రిలీజ్ చేస్తోంది వాట్సప్.
2. వాట్సప్ రియాక్షన్స్ ఫీచర్‌ను ఇవాళ్టి నుంచే అందించబోతున్నట్టు మెటా ప్లాట్‌ఫామ్స్ సీఈఓ మార్క్ జుకర్‌బర్గ్ ఇన్‌స్టాగ్రామ్ స్టోరీ ద్వారా ప్రకటించారు. వాట్సప్ నుంచి వచ్చిన అతిపెద్ద ప్రకటన ఇది. వాట్సప్ ఈ ఫీచర్‌ను చాలాకాలంగా పరీక్షిస్తోంది. బీటా టెస్టర్స్ పరీక్షించిన తర్వాత ఇతర యూజర్లకు అందుబాటులోకి వచ్చింది.
3. వాట్సప్‌లో మొదట ఎమోజీతో రియాక్షన్స్ ఫీచర్‌ను టెస్ట్ చేశారు. ఈ ఫీచర్‌లో ఆరు రకాల రియాక్షన్స్ అందుబాటులో ఉంటాయి. లైక్, లవ్, లాఫ్, సర్‌ప్రైజ్, సాడ్, థ్యాంక్స్ ఎమోజీలు అందుబాటులో ఉన్నాయి. వాట్సప్‌లో ఏదైనా మెసేజ్‌కి మీ రియాక్షన్‌ని వీటి ద్వారా తెలపడానికి వాట్సప్ రియాక్షన్స్ ఫీచర్ ఉపయోగపడుతుంది.
4. ఇప్పటికే ఈ ఫీచర్ ఇతర యాప్స్‌లో ఉంది. వాట్సప్ యూజర్ల కోసం ఈ ఫీచర్ రిలీజ్ చేయడం విశేషం. మీ వాట్సప్ యాప్ అప్‌డేట్ చేసిన తర్వాత ఈ ఫీచర్ ఉపయోగించుకోవచ్చు. ఏదైనా మెసేజ్‌ని లాంగ్ ప్రెస్ చేస్తే రియాక్షన్స్ కనిపిస్తాయి. అందులోని ఏదైనా ఓ రియాక్షన్ ఇవ్వొచ్చు.
5. వాస్తవానికి వాట్సప్ రియాక్షన్స్ ఫీచర్‌ను 2018 నుంచి పరీక్షిస్తోంది వాట్సప్. కానీ గతేడాది ఫైనల్ టెస్టింగ్‌కు వచ్చింది. గత నెలలో వాట్సప్ గ్రూప్స్‌ని కలుపుతూ వాట్సప్ కమ్యూనిటీస్ రూపొందిస్తున్నామని కంపెనీ ప్రకటించింది. అప్పుడే త్వరలో వాట్సప్ రియాక్షన్స్ ఫీచర్ రిలీజ్ చేస్తామని ప్రకటించింది.
6. మరోవైపు వాట్సప్ మరిన్ని ఆసక్తికరమైన ఫీచర్స్‌ని రిలీజ్ చేస్తోంది. ఫైల్ షేరింగ్ లిమిట్‌ను 2జీబీ వరకు పెంచబోతోంది. గ్రూప్ ఆడియో కాల్స్ లిమిట్‌ను కూడా 32 మందికి పెంచబోతోంది. వాట్సప్ కాల్స్‌లో ఒకేసారి 32 మందితో కాన్ఫరెన్స్ నిర్వహించవచ్చు.
7. దీంతో పాటు వాట్సప్ గ్రూప్‌లో వచ్చే మెసేజెస్‌ని గ్రూప్ అడ్మిన్ డిలిట్ చేసే అవకాశం కల్పించబోతోంది. వాట్సప్ ఆండ్రాయిడ్, యాపిల్ ఐఓఎస్ యూజర్లకు యానిమేటింగ్ హార్ట్ ఎమోజీస్ కూడా రిలీజ్ చేయనుంది. వాట్సప్ స్టేటస్ విషయంలో మరిన్ని ప్రైవసీ సెట్టింగ్స్ అందుబాటులోకి రానున్నాయి.
0 Comments:
Post a Comment