ప్రస్తుతం గుండె జబ్బులు (Heart diseases) సర్వసాధారణమైపోతున్నాయి. పురుషుల (Men) గురించి చెప్పాలంటే, 30 -35 సంవత్సరాల వయస్సు గల పురుషులలో గుండెపోటు, గుండె ఆగిపోవడం వల్ల మరణం అనే వార్త తరచుగా వినబడుతుంది.
గుండె జబ్బులకు ప్రధాన ప్రమాద కారకాలు అధిక రక్తపోటు, మధుమేహం, అధిక కొలెస్ట్రాల్ స్థాయి, అధిక ధూమపానం, బ్యాడ్ లైఫ్ స్టైల్, వయస్సు, కుటుంబ చరిత్ర మొదలైనవి.
అయితే, గుండె జబ్బు ప్రారంభ లక్షణాలను గుర్తించడం ,కొన్ని ఆరోగ్యకరమైన అలవాట్లను అవలంబించడం, దీర్ఘకాలం పాటు గుండెను చాలా వరకు ఆరోగ్యంగా ఉంచుతుంది.
పురుషుల్లో వచ్చే గుండె జబ్బుల లక్షణాలు ,గుండె ఆరోగ్యంగా ఉండేందుకు కొన్ని మార్గాల గురించి తెలుసుకుందాం.
పురుషులలో గుండె జబ్బు లక్షణాలు..
singlecare.comలో ప్రచురించిన ఒక నివేదిక ప్రకారం గుండె జబ్బులు అరిథ్మియా, గుండెపోటు, హార్ట్ ఫెయిల్యూర్ వంటి అనేక విభిన్న పరిస్థితులను కలిగి ఉంటాయి. వీటన్నింటి లక్షణాలు చాలా వరకు ఒకే విధంగా ఉంటాయి.
పురుషులలో గుండె జబ్బు సాధారణ లక్షణాలు:
ఛాతీ అసౌకర్యం, ఇది శారీరక శ్రమ సమయంలో సంభవిస్తుంది.
ఊపిరి ఆడనట్లు అనిపిస్తుంది.
దవడ నొప్పి, ఎడమ చేతిలో నొప్పి.
చల్లని చెమటలు పట్టడం
వికారం లేదా వాంతులు.
ఛాతీలో భారమైన అనుభూతి.
రెండు చీలమండలలో వాపు.
గుండె ఆరోగ్యంగా ఉంచుకోవడానికి చిట్కాలు..
30 నిమిషాలు వ్యాయామం..
మీ గుండె దీర్ఘకాలం పాటు ఆరోగ్యంగా ఉండాలంటే మీరు రోజూ వ్యాయామం చేయడం అలవాటు చేసుకోవాలి. ఆరోగ్యకరమైన గుండె కోసం, పెద్దలకు రోజుకు 150 నిమిషాల మితమైన వ్యాయామం అవసరం. అమెరికన్ హార్ట్ అసోసియేషన్ ప్రకారం, గుండెకు సంబంధించిన అత్యంత ముఖ్యమైన వ్యాయామం ఏరోబిక్ వ్యాయామం, ఇందులో నడక, జాగింగ్, సైక్లింగ్ లేదా స్విమ్మింగ్ ఉంటాయి. రోజుకు 30 నిమిషాల పాటు వ్యాయామం చేయడం వల్ల గుండె ఆరోగ్యంగా ఉంటుంది.
ఆరోగ్యకరమైన ఆహారం ముఖ్యం..
గుండెను ఆరోగ్యంగా ఉంచే ఆహారాన్ని తినండి. గుండె-ఆరోగ్యకరమైన ఆహారాలలో యాంటీఆక్సిడెంట్-రిచ్ బెర్రీలు, బచ్చలికూర, అవకాడోలు, ఒమేగా-3 కొవ్వు ఆమ్లాల కోసం చేపలు మొదలైనవి ఉన్నాయి. వీటిని పురుషులు తినవచ్చు. ఈ ఆహారాలు ఆరోగ్యకరమైన గుండెకు చాలా ముఖ్యమైనవి. ఇది మాత్రమే కాదు, మొక్కల ఆధారిత ,మధ్యధరా స్టైల్ ఆహారాలు కూడా రక్త ప్రసరణను మెరుగుపరుస్తాయి. పేలవమైన రక్త ప్రసరణ కూడా గుండెపోటు ప్రమాదాన్ని పెంచుతుంది. అధిక ఫైబర్ ఆహారం తీసుకోవడం వల్ల హృదయ సంబంధ వ్యాధులు వచ్చే ప్రమాదాన్ని తగ్గించవచ్చు.
ఆరోగ్యకరమైన సప్లిమెంట్లను తినండి..
ఆహారంలో ఒమేగా-3 కొవ్వు ఆమ్లాలు, మెగ్నీషియం, ఫోలేట్, విటమిన్ డి మొదలైనవాటిని చేర్చండి. ఇవన్నీ గుండెను ఆరోగ్యంగా ఉంచడంలో సహాయపడతాయి. అయితే, ఈ సప్లిమెంట్లు గుండెకు ఎంత మేలు చేకూరుస్తాయనే దానిపై పరిశోధన, క్లినికల్ ట్రయల్స్ ఇంకా జరగాల్సి ఉంది.
రోజువారీ నిద్ర..
మీరు నిద్రపోతున్నప్పుడు శరీరం బాగుపడుతుంది. ఆరోగ్యకరమైన గుండె మొత్తం ఆరోగ్యం కోసం కనీసం 6 -8 గంటల నిద్ర అవసరం.
ఒత్తిడి..
ఒత్తిడి అనేక వ్యాధులకు దారితీస్తుంది. ఇందులో గుండె జబ్బులు కూడా ఉన్నాయి. మీరు ఒత్తిడి ,ఆందోళనతో జీవిస్తున్నట్లయితే, వీలైనంత త్వరగా ఈ సమస్యలను తొలగించండి. లేకపోతే మీ గుండె జబ్బులు చిన్న వయస్సులోనే బాధపడవచ్చు.
గుండె జబ్బులకు ఒత్తిడి అత్యంత తక్కువగా అంచనా వేసే ప్రమాద కారకం. నిరంతర ఒత్తిడి వల్ల శరీరంలో అడ్రినలిన్ ,కార్టిసాల్ వంటి ఒత్తిడి హార్మోన్లు విడుదలవుతాయి.
ఇవి అధికంగా పెరిగినప్పుడు కాలక్రమేణా శరీరం దెబ్బతింటుంది. ఒత్తిడిని తగ్గించుకోవడానికి, ప్రతిరోజూ ధ్యానం, యోగా లాంటి కొన్ని కార్యకలాపాలు చేయండి, ఇది ఒత్తిడిని తొలగించి మీ మానసిక స్థితిని తాజా పరుస్తుంది.
0 Comments:
Post a Comment