Smart Phone Tips: ఈ సెట్టింగ్స్ మార్చుకోండి.. మీ ఫోన్ పోతే కనిపెట్టేయొచ్చు

 Smart Phone Tips: ఈ సెట్టింగ్స్ మార్చుకోండి.. మీ ఫోన్ పోతే కనిపెట్టేయొచ్చు..

ప్రస్తుతం స్మార్ట్ ఫోన్ (Smart Phone) ప్రాముఖ్యత గురించి ప్రత్యేకంగా చెప్పాల్సిన పనిలేదు. ఉదయం లేచిన దగ్గరి నుంచి రాత్రి పడుకునే వరకు మొబైల్ ఫోన్‌తోనే సహవాసం చేస్తుంటాం.

అటువంటి ఫోన్‌ను​ ఎక్కడైనా పోగొట్టుకుంటే, ఎంతో హైరానా పడిపోతుంటాం. ముఖ్యంగా దానిలో ఉన్న విలువైన డేటా గురించి ఆందోళన చెందుతుంటాం. ఫోన్​ వెతకడం కోసం పడరాన్ని పాట్లు పడుతుంటాం. అయితే, చాలా మందికి తెలియని విషయం ఏంటంటే ప్రస్తుత సాంకేతిక పరిజ్ఞానంతో మనం పొగొట్టుకున్న మొబైల్ (Mobile)​ ఎక్కడ ఉందో కనుక్కోవచ్చు. దాని కోసం ఉన్న మార్గాలను తెలుసుకుందాం. మీ ఫోన్‌లో ఇలాంటి చిన్న సెట్టింగ్స్ చేస్తే మీ ఫోన్ పోయినా ఎక్కడ ఉందో కనిపెట్టేయొచ్చు.

ఫైండ్​ మై డివైజ్​ సెట్టింగ్స్​

ఆండ్రాయిడ్​, ఐఓఎస్​ డివైజెస్​లో ఫైండ్​ మై డివైజ్​ అనే ఫీచర్​ ఉంటుంది. మీరు మీ ఫోన్‌ను కొన్న వెంటనే ఈ సెట్టింగ్​ను ఆన్​ చేసుకోవడం మంచిది. ఈ సెట్టింగ్​ ఆన్​ చేసేందుకు ఆండ్రాయిడ్​, ఐఓఎస్​ డివైజెస్​లో ఇలా చేయండి.

ఆండ్రాయిడ్ ఫోన్‌లో సెట్టింగ్స్ విధానం..

స్టెప్​ 1: సెట్టింగ్స్​ మెను తెరిచి దానిలోని 'సెక్యూరిటీ' (Security) అనే సబ్​ మెనూలోకి వెళ్లండి.

స్టెప్​ 2: ఇప్పుడు, 'ఫైండ్​ మై డివైజ్​' ఆప్షన్​లోకి వెళ్లి దాన్ని ఆన్ చేయండి.

స్టెప్​ 3: ఆ తర్వాత ల్యాప్‌టాప్, డెస్క్‌టాప్ లేదా ఏదైనా ఇతర మొబైల్ డివైజ్​ నుండి https://www.google.com/android/find వెబ్​సైట్​లోకి వెళ్లి ఈ మొబైల్​ లొకేషన్​ కనుగొనండి.

స్టెప్​ 4: రెండు డివైజెస్​లోనూ ఒకే గూగుల్​ అకౌంట్​లోకి సైన్​ ఇన్​ అవ్వండి.

స్టెప్​ 5: అప్పుడు మీ ఫోన్ లోకేషన్​ను మ్యాప్‌లో చూసుకోవచ్చు. మీకు మ్యాప్​పైన ప్లే సౌండ్​, సెక్యూర్​ డివైజ్​, ఎరేజ్​ డివైజ్​ అనే మూడు ఆప్షన్లు ఇవ్వబడతాయి. వాటిలో 'ప్లే సౌండ్' ఆప్షన్​ను ఎంచుకోండి. కొన్ని సెకన్లలో, మీ డివైజ్​ మోగడం ప్రారంభమవుతుంది. ఒకవేళ మీ ఫోన్​ దగ్గర్లోనే ఉంటే వెంటనే కనిపెట్టవచ్చు.

Google Account: గూగుల్ ఎకౌంట్ వాడుతున్నారా.. అయితే ఈ విషయాలు తెలుసుకోండి!

ఐఓఎస్​ డివైజెస్​లో..

స్టెప్​ 1: iOS పరికరాల్లో, ఫైండ్​ మై డివైజ్​ సెట్టింగ్ ఆటోమేటిక్​గా 'ఆన్' అవుతుంది. అయినా సరే సెట్టింగ్స్​లోకి వెళ్లి చెక్​ చేసుకోవడం మంచిది.

స్టెప్​ 2: ఇప్పుడు, మీ ఆపిల్ ఐడి సెట్టింగ్స్​ను ఓపెన్​ చేసి సెట్టింగ్స్​ మెనూ పై మీ పేరును ఎంచుకోండి.

స్టెప్ 3: ఆ తర్వాత ఫైండ్​ మై సెట్టింగ్​లోకి వెళ్లండి.

స్టెప్ 4: 'ఫైండ్​ మై ఐఫోన్ సెట్టింగ్' ఆన్ ' చేయండి.

స్టెప్ 5: వేరే డివైజ్​లో మీరు https://www.icloud.com/find/ వెబ్​సైట్​ను సందర్శించండి. అయితే, రెండు డివైజెస్​లోనూ ఒకే మెయిల్​ ఐడీతో లాగిన్​ అవ్వడం మర్చిపోకండి.

స్టెప్​ 6: మీరు సైన్ ఇన్ చేసిన తర్వాత, మీ ఫోన్‌ లోకేషన్​ను మ్యాప్​లో చూపిస్తుంది. ఆ తర్వాత 'ప్లే సౌండ్' ఆప్షన్​లోను ప్రారంభించండి. తద్వారా, మీ ఫోన్​ దగ్గర్లో ఉంటే సులభంగా గుర్తించవచ్చు.