సొంతింటి కల నిజం చేసుకోవాలనుకుంటున్నారా? అయితే స్టేట్ బ్యాంక్ వారి ఈ ఆఫర్ మీకోసమే
సొంతింటి కల నిజం చేసుకోవాలని భావించే వారికి స్టేట్ బ్యాంక్ శుభవార్త అందించింది. తక్కువ ఖర్చులో ఇల్లు కొనాలని భావించే వారికి గృహ రుణాలు అందించేందుకు ఎస్‌బీఐ SBI తాజాగా ఐదు హౌసింగ్ ఫైనాన్స్ కంపెనీలతో జత కట్టింది.
పీఎన్‌బీ హౌసింగ్ ఫైనాన్స్, ఐఐఎఫ్ఎల్ హోమ్ లోన్ Home Loan ఫైనాన్స్, శ్రీరామ్ హౌసింగ్ ఫైనాన్స్, ఎడిల్‌వీజ్ హౌసింగ్ ఫైనాన్స్, క్యాప్రి గ్లోబల్ హౌసింగ్ ఫైనాన్స్ వంటి సంస్థలతో ఎస్‌బీఐ భాగస్వామ్యం కుదర్చుకుంది. 'హోమ్ ఫైనాన్స్ కంపెనీతో ఎస్‌బీఐ కో లెండింగ్ కోసం భాగస్వామ్యం కుదర్చుకోవడం ఇదే తొలిసారి. లోన్ సోర్సింగ్, సర్వీసింగ్ వంటి కార్యకలాపాలను ఐఐఎఫ్ఎల్ హెచ్ఎఫ్ఎల్ నిర్వహిస్తుంది. ఒప్పందంలో భాగంగా 80 శాతం రుణ మొత్తాన్ని ఎస్‌బీఐ అందిస్తుంది' అని ఐఐఎఫ్ఎల్ హెచ్ఎఫ్ఎల్ తెలిపింది.
హౌసింగ్ ఫైనాన్స్ కంపెనీలతో భాగస్వామ్యం వల్ల డిస్ట్రిబ్యూషన్ నెట్‌వర్క్ బలోపేతం అవుతుందని ఎస్‌బీఐ చైర్మన్ దినేశ్ కుమార్ ఖారా తెలిపారు. ఎక్కువ మంది హోమ్ లోన్ కస్టమర్లకు చేరువ కావాలనే లక్ష్యంతో, మరీముఖ్యంగా బ్యాంకింగ్ సేవలు పూర్తిగా అందుబాటులో లేనటువంటి ప్రాంతాల్లో కూడా సేవలు అందుబాటులో ఉంచేందుకు ఈ ఒప్పందాలు దోహదపడుతాయని ఆయన వివరించారు. 2024 కల్లా అందరికీ ఇల్లు అనే లక్ష్యానికి అనుగుణంగా పని చేస్తున్నామని పేర్కొన్నారు. ఎస్‌బీఐ కన్నా ముందు ఐఐఎఫ్ఎల్ హెచ్ఎఫ్ఎల్ సంస్థ యూనియన్ బ్యాంక్ ఆఫ్ ఇండియాతో ఆఫర్డబుల్ హోమ్ లోన్స్ కోసం భాగస్వామ్యం కుదుర్చుకుంది.
అలాగే ఈ సంస్థ ఎల్ఐజీ, ఎంఐజీ వంటి రుణాలకు సెంట్రల్ బ్యాంక్ ఆఫ్ ఇండియాతో జత కట్టింది. అలాగే ఎంఎస్ఎంఈ, ఎక్స్‌టెండింగ్ హోమ్ లోన్స్ కోసం పంజాబ్ నేషనల్ బ్యాంక్‌తో PNB ఒప్పందం కుదుర్చుకుంది. అందుబాటు హోమ్ లోన్ సెక్షన్ లో తమ స్థానాన్ని మరింత పదిలం చేసుకోవడానికి కోలెండింగ్ విధానాన్ని అవలంభిస్తామని ఐఐఎఫ్ఎల్ హెచ్ఎఫ్ఎల్ తెలిపింది. ఈ ఒప్పందాల వల్ల ప్రభుత్వ లక్ష్యాలకు అనుగుణంగా కంపెనీ టార్గెట్‌ను దృష్టిలో ఉంచుకొని ముందుకు వెళ్తామని పేర్కొంది. ఈ భాగస్వామ్యంలో భాగంగా అందుబాటు వడ్డీ రేట్లకే అర్హత కలిగిన కస్టమర్లకు రుణాలు లభిస్తాయని తెలిపింది.
0 Comments:
Post a Comment