నక్షత్ర ఫలం (Star Fruit) , ఉపయోగాలు.
ఉపయోగాలు:
{ఈ చెట్ల కాయల ఆకృతిని బట్టి నక్షత్ర పండు చెట్టు అని కాయలను స్టార్ ఫ్రూట్స్ అని పిలుస్తారు.. ఈ చెట్ల పేరు అవెర్రోవా కారంబోలా.... ఆగ్నేయాసియా, దక్షిణ పసిఫిక్, తూర్పు ఆసియాలోని కొన్ని ప్రాంతాల్లో ఎక్కువగా ఈ చెట్లను పెంచుతున్నారు. పురాతన కాలం నుంచి భారత దేశంలో స్టార్ ఫ్రూట్లను సాగు చేస్తున్నారు.
ఈ చెట్లు 25 నుంచి 30 అడుగుల ఎత్తు దాకా పెరుగుతాయి. వీటి ఆకులు రాత్రి సమయంలో ముడుచుకుంటాయి. చెట్టు నాటిన 3 నుంచి 4 సంవత్సరాల్లో కాయలు కాస్తాయి.
వీటిలో రెండు రకాల పండ్ల చెట్లున్నాయి. ఒక రకం పుల్లగా, మరో రకం తీయగా ఉంటాయి అర్కిన్ డాపోన్ మా ఫ్యూంగ్ మహా, డెమాక్ తీయగా ఉండే పండ్ల రకాలు. గోల్డెన్ స్టార్, న్యూకాంబ్ స్టార్ కింగ్ థాయర్ పుల్లగా ఉండే పండ్ల రకాలు.
మొత్తం పండునంతా చూస్తే నక్షత్ర ఆకారం కనిపించదు.. అడ్డంగా మధ్యలో కోస్తే స్టార్ ఆకారంలో కనిపిస్తాయి.
Star Fruit Trees….స్టార్ ఫ్రూట్ చెట్లు....ఈ పండ్లలో సి, బి2, బి6, బి9 విటమిన్లు, ఫైబర్, పొటాషియం, జింక్, ఐరన్, లాంటి పోషకాలున్నాయి. పండ్లలో పుల్లని రకాలను వంటకాలు, కూరల్లో వాడతారు. తీయని వాటితో పండ్ల రసాలు, జామ్ లు తయారు చేస్తారు. ఈ పండ్లను నేరుగానూ తినవచ్చు. శరీరంలోని అదనపు నీటిని తొలగించడానికి ఈ పండ్లు ఎంతగానో ఉపయోగపడతాయి
ఈ పండ్లతో దగ్గు, కామెర్లు, మలబద్ధకంలాంటి సమస్యలూ దూరమవుతాయి.. బరువు తగ్గడానికి, రక్తపోటు క్రమబద్ధంగా ఉండటానికి సహాయపడతాయి. కొలెస్ట్రాల్ స్థాయి అదుపులో ఉంటుంది. శరీరంలోని ఇన్సులిన్ స్థాయినీ నియంత్రణలో ఉంటుంది.
ఆటలమ్మ, తలనొప్పి, తామర వంటి వ్యాధుల చికిత్సల్లో ఈ చెట్ల ఆకులు, వేర్లను ఉపయోగిస్తారు.
మూత్రపిండ లోపాలతో బాధపడుతున్న వారు స్టార్ ఫ్రూట్ పండ్లను తినకూడదు. ఈ పండ్లలో ఆక్సాలిక్ ఆమ్లం ఉంటుంది. దీని వల్ల మూత్రపిండాల్లో రాళ్లు ఏర్పడతాయి}
తేదీ:13-10-2021
Article
Gouse Lajam Kattubadi ,Teacher, ATP
https://www.facebook.com/gouselajam.kattiubadi
0 Comments:
Post a Comment