7th Pay Commission: ఈ హోలీ పండగకు కేంద్ర ఉద్యోగులకు మోదీ ప్రభుత్వం తీపికబురు...

 

కేంద్ర ప్రభుత్వం కరోనా వ్యాక్సిన్ వాడుకలోకి రావడంతో ఒక్కసారిగా జోష్ నింపుకుంది. ముఖ్యంగా కరోనా కారణంగా పెండింగ్ లో పడ్డ అనేక పనులను ఇప్పుడిప్పుడే ట్రాక్ లో పెట్టాలని నిర్ణయం తీసుకుంది. అదే జరిగితే, కేంద్ర ఉద్యోగులు హోలీకి ముందు పెద్ద బహుమతి పొందవచ్చు. వాస్తవానికి, గత కొన్ని నెలలుగా, కేంద్ర ఉద్యోగులకు మోదీ ప్రభుత్వం శుభవార్త వినిపించనుందనే వార్త ఊరిస్తోంది. ఇప్పుడు ఆ వార్త ఏమిటంటే, జనవరి-జూన్ 2021 వరకు, హోలీ వరకు కేంద్ర ప్రభుత్వం పెద్ద ప్రకటన చేయవచ్చు. మొదటి అర్ధభాగానికి పెరిగిన డీఏను ప్రభుత్వం ప్రకటించే అవకాశం ఉంది. అంతకుముందు సంవత్సరం నిలిచిపోయిన నిర్ణయాలు పునరుద్ధరించబడతాయి.

గత ఏడాది మార్చిలో ప్రభుత్వం పాత డీఏ రేటును (17%) 21 శాతానికి పెంచిన సంగతి తెలిసిందే..కాని కరోనా కారణంగా, ఈ పెరిగిన డీఏ జూన్ 2021 వరకు ఆగిపోయింది.

ఇప్పుడు ఆర్థిక వ్యవస్థ నెమ్మదిగా ట్రాక్‌లోకి తిరిగి వస్తున్న నేపథ్యంలో, కేంద్ర ఉద్యోగుల అంచనాలు మరోసారి పెరిగాయి. దీనిపై కేంద్ర ప్రభుత్వం త్వరలో నిర్ణయం తీసుకుంటుందని విశ్వసనీయ వర్గాల సమాచారం. అయితే, కేంద్ర ప్రభుత్వం అధికారికంగా ఇప్పటి వరకూ ఎలాంటి ప్రకటన చేయలేదు.కేంద్ర ప్రభుత్వం తన ఉద్యోగుల జీతం సంవత్సరానికి రెండుసార్లు పెంచుతుంది. ఈ పెరుగుదల అర్థ వార్షిక ప్రాతిపదికన చేయబడతాయి. మొదటి పెరుగుదల జనవరి నుండి జూన్ వరకు అని అర్థం. రెండవ పెరుగుదల జూలై 1 నుండి అమల్లోకి వస్తుంది. అయితే, హోలీ సందర్భంగా కేంద్ర ఉద్యోగులకు పెరిగిన డీఏ బహుమతిని కేంద్ర ప్రభుత్వం ఇస్తే, టేక్ హోమ్ జీతం కూడా పెరుగుతుంది.