ఉపాధ్యాయ బదిలీలపై కసరత్తు... సిద్ధంగా ఉండాలని కమిషనరు ఆదేశాలు

ఉపాధ్యాయ బదిలీలపై కసరత్తు...
సిద్ధంగా ఉండాలని కమిషనరు ఆదేశాలు

ప్రజాశక్తి-అమరావతి బ్యూరో:
 ఉపాధ్యాయ బదిలీలపై పాఠశాల విద్యాశాఖ కసరత్తు ప్రారంభించింది. బదిలీలకు, క్రమబద్ధీకరణ కోసం సిద్ధంగా ఉండాలని జిల్లా విద్యాశాఖ అధికారులకు పాఠశాల విద్యాశాఖ కమిషనరు కార్యాలయం బుధవారం సర్క్యూలర్ జారీ చేసింది మూడేళ్ల నుంచి ఉపాధ్యాయులు బదిలీలు కోసం ఎదురుచూస్తున్నారు ప్రతిఏటా ఐదిలీలను నిర్వహించాల్సి ఉండగా ప్రభుత్వం మూడేళ్ల నుంచి చేపట్టలేదు. ఉపాధ్యాయ సంఘాలు, ఉపాధ్యాయులు ప్రభుత్వంపై ఒత్తిడి చేసినా ప్రయోజనం లేకుండాపోయింది. కరోనా వైరస్ వ్యాప్తితో పాఠశాలలకు తాత్కాలికంగా విరామం వచ్చింది సెప్టెంబరు ఐదు నుంచి పాఠశాలలను ప్రారంభించేందుకు రాష్ట్ర ప్రభుత్వం సిద్ధంగా ఉంది. ఈలోపు టీచర్ బదిలీలు, క్రమబద్ధీకరణ చేపట్టేందుకు ప్రభుత్వం నిర్ణయం తీసుకుంది. బదిలీలకు సంబంధించిన ఫైల్ ప్రభుత్వానికి పాఠశాల విద్యాశాఖ పంపింది. ప్రభుత్వం ఆమోదంపొందిన వెంటనే షెడ్యూల్ ఇచ్చేందుకు విద్యాశాఖ సిద్ధంగా ఉంది. ప్రభుత్వ, జిల్లా, మండల పరిషత్ పాఠశాలల్లో పనిచేస్తున్న ఉపాధ్యాయులు బదిలీ చేయనుంది. 2020 ఫిబ్రవరి 29 యుడైస్ సమా చారం ఆధారంగా బదిలీ చేపట్టనున్నట్లు విద్యాశాఖ వెల్లడించింది. ఈ ప్రకారం ఖాళీలను గుర్తించి సిద్ధంగా
ఉండాలని డిఇఓలను విద్యాశాఖ ఆదేశించింది ముందే రాజకీయ బదిలీలు బదిలీల షెడ్యూల్ విడుదల కాకముందే పాటశాల విద్యాశాఖలో ప్రభుత్వ నిబంధనలకు వ్యతిరేకంగా అక్రమంగా ఉపాధ్యాయ బదిలీలు జరిగాయి సిఎం సొంత జిల్లా కడప తో పాటు అనంతపురం కృష్ణా, గుంటూరు, విశాఖపట్నం, నెల్లూరు శ్రీకాకుళం, ప్రకాశం జిల్లాలో రాజకీయ పలుకుబడితో అక్రమంగా బదిలీలు జరిగాయి.విశాఖపట్నంలో అధికార పార్టీ అనుబంద ఉపాధ్యాయ సంఘం జిల్లా నాయుకుడు తన కున్న రాజకీయ పలుకుబడితో అక్రమంగా బదిలీ చేయించుకున్నట్లు సమాచారం. ఇదే దారిలో మరి కొంతమంది రాజకీయ పలుకుబడితో ఉపాధ్యాయులు పైరవీలు చేసుకుంటున్నట్లు తెలిసింది.