ఈ పేరు మీకే కాదు...
నాకూ కొత్తగానే అనిపించింది. ఇలాంటి టీ కూడా ఉంటుందా అన్న డౌట్ మనకు రావడం సహజం. ఇది అచ్చం కొత్తిమీరలా కనిపించే ఆకుల టీ. కానీ కొత్తిమీర, పార్స్‌లీ రెండూ ఒకటి కాదు. అసలీ పార్స్‌లీ ఆకులు మనకు బయట దొరికే అవకాశాలు తక్కువ. అందువల్ల ఈ టీ తాగాలనుకునేవారికి పార్స్‌లీ టీ పొడి, పార్స్‌లీ టీ బ్యాగ్స్... సూపర్ మార్కెట్లలో లభిస్తున్నాయి. అమేజాన్ లాంటి ఈ-కామర్స్ సైట్లలో కూడా దొరుకుతున్నాయి. కాబట్టి... ఆ టీ పొడి (టీ బ్యాగ్ కంటే టీ పొడి మేలు) కొనుక్కొని... వాడితే మంచిది. ఎందుకంటే... పార్స్‌లీ ఆకుల్లో విటమిన్ A, B (ఫోలేట్), C, Kతోపాటూ... ఐరన్, పొటాషియం, కాల్షియం, ఫార్పరస్, ఫ్లేవనాయిడ్ క్వెర్సెటిన్ (విష వ్యర్థాల్ని తరిమేసే యాంటీ ఆక్సిడెంట్) వంటివి ఉంటాయి. లక్కేంటంటే... ఈ టీ తాగితే... మన శరీరంలో వ్యర్థ కొవ్వులు మాత్రమే బయటకు పోతాయి. పోషకాల్ని మనం నష్టపోవట్లేదు.డయాబెటిస్ ఉన్న వారి రక్తంలో గ్లూకోజ్ లెవెల్స్ తగ్గించడంలో కూడా పార్స్‌లీ టీ ఉపయోగపడుతోంది. గ్లూకోజ్ లెవెల్స్ సరిగా ఉన్నప్పుడు... మన శరీర బరువు కూడా పద్ధతిగా ఉంటుంది. అప్పుడు మన లివర్ ఆరోగ్యంగా ఉంటుంది. ఫలితంగా మన జీర్ణవ్యవస్థ కూడా చక్కగా పనిచేస్తూ మనం ఆరోగ్యంగా ఉంటాం. అందువల్ల తీపి జ్యూస్‌లు, డ్రింకులు, పానీయాలు తాగేబదులు... పార్స్‌లీ టీ తాగితే అన్నీ లాభాలే.
ఓ కప్పు నీటిలో (200ML) పార్స్‌లీ టీ పొడి వెయ్యాలి. ఓ ఐదు నిమిషాలు సిమ్ లో మరగనివ్వాలి. ఆ తర్వాత ఫిల్టర్ చెయ్యాలి. ఇప్పుడా పార్స్‌లీ టీ నీరులో... తీపి కోసం కొద్దిగా తేనె కలుపుకోవచ్చు. ఈ టీని రోజూ రెండుసార్లు తాగుతూ ఉంటే... బయటకు తెలియకుండా... లోలోపల మన శరీరంలో చెడు కొవ్వు అలా అలా కరిగిపోతూ ఉంటుంది. కొన్ని రోజులకే మనం బరువు తగ్గగలం అని పరిశోధకులు చెబుతున్నారు.
0 Comments:
Post a Comment