సుకన్య సమృద్ధి యోజన స్కీమ్ గురించి ప్రత్యేకంగా చెప్పాల్సిన అసవరం లేదు. కేంద్ర ప్రభుత్వం ఎంతో ప్రతిష్టాత్మకంగా ఈ పథకాన్ని తీసుకువచ్చింది. ఆడ పిల్లల ఆర్థిక భద్రత ఈ స్కీమ్ అసలు లక్ష్యం. ఇంట్లో ఆడ పిల్లలు ఉన్న తల్లిదండ్రులు ఈ పథకంలో డబ్బులు డిపాజిట్ చేసుకోవచ్చు. దీనికి ముందు స్కీమ్ గురించి కచ్చితంగా తెలుసుకోవలసిన 10 అంశాల ఏంటివో చూద్దాం..
1. ఇంట్లో ఇద్దరు ఆడ పిల్లల పేరుపై సుకన్య సమృద్ధి అకౌంట్‌ను తెరవొచ్చు. దగ్గరిలోని బ్యాంక్ లేదంటే పోస్టాఫీస్‌కు వెళ్లి ఈ ఖాతా ప్రారంభించొచ్చు. దేనిలోనైనా ఒకే వడ్డీ లభిస్తుంది. ఆడ పిల్లలకు 10 ఏళ్లు వచ్చే లోపు ఈ పథకంలో చేరాలి.
2. ఈ స్కీమ్ మెచ్యూరిటీ కాలం 21 ఏళ్లు. అంటే అకౌంట్ ఓపెన్ చేసిన దగ్గరి నుంచి సుకన్య సమృద్ధి అకౌంట్ 21 ఏళ్లు కొనసాగుతుంది.
అమ్మాయి వయసుతో ఇక్కడ పని లేదు.
3. సుకన్య సమృద్ధి అకౌంట్‌లో 15 ఏళ్ల పాటు డబ్బు డిపాజిట్ చేస్తూ వెళ్లాలి. అటుపైన డబ్బులు డిపాజిట్ చేయాల్సిన అవసరం లేదు.
అయితే మీ ఖాతాలోని డబ్బుపై 21 ఏళ్ల మెచ్యూరిటీ వరకు వడ్డీ లభిస్తుంది.
4. అకౌంట్ నుంచి 21 ఏళ్ల తర్వాతనే డబ్బులు తీసుకోవడం వీలవుతుంది. ముందుగా కూడా డబ్బు విత్‌డ్రా చేసుకోవచ్చు.
అమ్మాయి పెళ్లి, ఉన్నత చదువు వంటి వాటి కోసం ఈ డబ్బు వినియోగించాలి. పెళ్లి కోసం డబ్బు తీసుకోవాలని భావిస్తే మీ అమ్మాయికి 18 ఏళ్లు దాటి ఉండాలి.
5. సుకన్య సమృద్ది అకౌంట్‌పై 8.4 శాతం వడ్డీ రేటు లభిస్తోంది. మార్చి చివరి వరకు ఇదే వడ్డీ ఉంటుంది.
కాగా ఈ స్కీమ్‌పై వడ్డీ రేటు ప్రతి మూడు నెలలకు ఒకసారి మారుతుంది. కేంద్ర ప్రభుత్వం ఈ వడ్డీ రేటును సవరిస్తూ ఉంటుంది. పెంచొచ్చు.. లేదంటే తగ్గించొచ్చు.
రెండు కాకపోతే స్థిరంగా కూడా ఉండొచ్చు.
6. ఒక ఆర్థిక సంవత్సరంలో గరిష్టంగా రూ.1.5 లక్షల వరకు సుకన్య సమృద్ధి అకౌంట్‌లో డిపాజిట్ చేయొచ్చు. కనీసం రూ.250 డిపాజిట్ చేసిన సరిపోతుంది.రూ.250 కాకుండా నెలకు కనీసం రూ.1,000 కట్టుకుంటే మంచిది.
7. మీరు రోజుకు రూ.35 ఆదా చేస్తే నెలకు రూ.1,050 అవుతుంది. దీన్ని సుకన్య అకౌంట్‌లో ఇన్వెస్ట్ చేస్తే మెచ్యూరిటీ సమయంలో రూ.5 లక్షలకు పైగా పొందొచ్చు.అదే మీర రోజుకు రూ.400 పొదుపు చేస్తూ.. నెల చివరిలో ఆ మొత్తాన్ని సుకన్య ఖాతాలో జమ చేస్తే మెచ్యూరిటీ సమయంలో ఏకంగా రూ.75 లక్షలు పొందొచ్చు. వడ్డీ రేటు మారే ఛాన్స్ ఉండటంతో ఈ మొత్తంలో అటుఇటుగా కొంత వ్యత్యాసం ఉండొచ్చు.
8. ఎస్ఎస్‌వై స్కీమ్‌పై ఆదాయపు పన్ను మినహాయింపు కూడా ఉంది.ఈఈఈ ట్యాక్స్ బెనిఫిట్స్ పొందొచ్చు. అంటే ఇన్వెస్ట్ చేసిన డబ్బు, దీనిపై వచ్చిన వడ్డీ, చివరిలో తీసుకునే మొత్తంపై ఎలాంటి పన్ను ఉండదు.
0 Comments:
Post a Comment