తెలంగాణ... వరంగల్ అర్బన్ జిల్లా... కమలాపూర్ మండలం... శంభునిపల్లి గ్రామంలో అందరూ ఒకటే చర్చించుకుంటున్నారు. స్కూల్లో క్షుద్రపూజలు జరిపారని. అక్కడి ప్రభుత్వ స్కూల్ ఆవరణలో... పసుపు, కుంకుమ, నిమ్మకాయలూ ఉండేసరికి ఇవి ఎలా వచ్చాయని కొందరు విద్యార్థుల తల్లిదండ్రులు అడిగితే... తానే క్షుద్రపూజలు చేయించానని ప్రధాన ఉపాధ్యాయురాలు (HM) చెప్పడంతో అంతా షాకయ్యారు. అదేంటి... మీరు చేయించడమేంటని అడిగితే... స్కూల్ ఆవరణలోకి దెయ్యాలు వస్తున్నాయనీ, వాటిని చూసి భయపడి విద్యార్థులు స్కూల్‌కి సరిగా రావట్లేదనీ చెప్పారు. అంతేకాదు... తనకు ఆరోగ్యం కూడా బాగుండట్లేదనీ... దీనంతటికీ కారణమైన దెయ్యాల్ని వదిలించాలనే ఉద్దేశంతోనే క్షుద్రపూజలు జరిపించానని చెప్పడంతో షాకవ్వడం విద్యార్థుల తల్లిదండ్రుల పనైంది. మీ పిచ్చి మూఢ నమ్మకాలతో... విద్యార్థుల్లో లేని పోని భయాలెందుకు సృష్టిస్తున్నారని మండిపడుతున్నారు విద్యార్థుల తల్లిదండ్రులు.
నాలుగు రోజుల పాటూ స్కూల్‌కి రాని హెచ్‌ఎం... తాజాగా శుక్రవారం కారులో బూతవైద్యుణ్ని తీసుకొచ్చారు. ఇక అతను చేసిన హంగామా అంతా ఇంతా కాదు. అక్కడ జరిగిన పూజా విధానాన్ని విద్యార్థులు చెబుతుంటే... షాకై విన్నారు తల్లిదండ్రులు. ఇలాంటి వాటిని నమ్మొద్దనీ, క్షుద్రపూజలనేవి వేస్టని చెప్పాల్సిన ప్రధానోపాధ్యాయురాలే ఇలాంటి పని చేయించడంతో... ఇక ఈ సమస్యను ఎవరికి చెప్పుకోవాలో అర్థంకాక టెన్షన్ పడుతున్నారు పేరెంట్స్. ఇకపై ఇలాంటివి చేయిస్తే... తగిన చర్యలు తీసుకుంటామని ఆమెకు వార్నింగ్ ఇచ్చారు.
0 Comments:
Post a Comment