Search This Blog

FLASH NEWS ⚡⚡⚡ ఫ్లాష్ న్యూస్...

  • Spoken English-books,Material NEW...
  • MORE TO VIEW

Sunday, 29 December 2019

Bar code:బార్‌కోడ్: బీచ్‌లోని ఇసుకలో పుట్టిన ఆలోచన... ప్రపంచ వాణిజ్య రూపురేఖలను ఎలా మార్చేసింది?

 2019 డిసెంబర్ 5న ఒక విలక్షణ వ్యక్తి చనిపోయారు. మీరు ఆయన పేరు పెద్దగా విని ఉండకపోవచ్చు. కానీ, మీరు ఎక్కడ ఏ దుకాణానికి వెళ్లి ఏ వస్తువు చూసినా దాని మీద ఆయన 'ముద్ర' కనిపిస్తుంది. ఆయన ఎవరో కాదు... బార్‌కోడ్ సహ ఆవిష్కర్త అమెరికన్ ఇంజినీర్ జార్జ్ లోరర్.
94 ఏళ్ల వయసులో నార్త్ కరోలినాలోని వెండెల్‌ పట్టణంలో ఆయన తుదిశ్వాస విడిచారు.
1951లో జార్జ్ లోరర్ ఎలక్ట్రికల్ ఇంజనీర్‌ పట్టా అందుకున్నారు. ఆ తర్వాత ప్రహుక టెక్నాలజీ సంస్థ ఐబీఎంలో పనిచేస్తున్నప్పుడు, బార్‌కోడ్ సాంకేతికత అభివృద్ధిలో కీలక పాత్ర పోషించారు. 1973లో బార్‌కోడ్‌ను కనిపెట్టారు.
ప్రపంచ వాణిజ్యం రూపు రేఖలనే సమూలంగా మార్చేసిన ఆ బార్‌కోడ్ ఆలోచనకు ఎప్పుడు బీజం పడింది?
బార్ కోడ్ ఆలోచన మొదట ఎన్. జోసెఫ్ వుడ్‌లాండ్‌కు వచ్చింది.
1948లో ఫిలడెల్ఫియాలోని డ్రెక్సెల్ ఇన్‌స్టిట్యూట్‌లో గ్రాడ్యుయేషన్ అభ్యసిస్తున్న ఎన్. జోసెఫ్ వుడ్‌లాండ్‌కు ఓ కిరాణా దుకాణం యజమాని నుంచి చిన్న సవాల్ ఎదురైంది. దుకాణంలో జరిగే లావాదేవీలను ఆటోమేషన్ ద్వారా వేగవంతం చేసే ఉపాయం ఏదైనా ఉందా? అని ఆ యజమాని అడిగారు.
జోసెఫ్ చాలా స్మార్ట్‌గా ఆలోచించే యువకుడు. యుద్ధం సమయంలో అణు బాంబును అభివృద్ధి చేసిన మన్‌హటన్ ప్రాజెక్టులో ఆయన పనిచేశారు.
ఆ కిరాణా దుకాణం యజమాని ఎదుర్కొంటున్న సమస్యకు పరిష్కారం చూపించేందుకు ఆలోచించడం ఆయన మొదలుపెట్టారు.
ఓ రోజు తన తాతయ్య బామ్మలతో కలిసి మియామి బీచ్‌కు వెళ్లారు. అక్కడ సరదాగా ఆడుకుంటుండగా ఇసుక మీద చేతి వేళ్ల ముద్రలు పడ్డాయి. ఆ ముద్రలను చూడగానే అతని మెదడులో ఒక ఆలోచన తట్టింది.
అంతకు ముందు ఒక సందేశాన్ని పంపేందుకు 'మోర్స్ కోడ్‌'లో చుక్కలు, డ్యాష్‌లను ఉపయోగించారు. అలా కాకుండా, సమాచారాన్ని ఎన్‌కోడ్ చేసేందుకు సన్నని, మందమైన గీతలను ఉపయోగవచ్చు అని జోసెఫ్ ఆలోచించారు.

IBM 1952లో తాను రూపొందించిన స్కానర్ నమూనా గురించి వివరిస్తున్న జోసెఫ్ వుడ్‌లాండ్
వృత్తాకార (ఎద్దు కన్ను ఆకారం) గీతల కోడ్‌లో వస్తువుల వివరాలను నమోదు చేస్తారు. ఆ గీతలను ప్రత్యేక యంత్రంతో స్కాన్ చేసి ఆ వస్తువుల వివారాలను తెలుసుకోవచ్చు అన్నది ఆయన ఆలోచన.
అది ఆచరణ సాధ్యమే. కానీ, అప్పటికి సాంకేతిక పరిజ్ఞానం అంతంత మాత్రంగానే ఉంది. దాంతో, అలాంటి స్కానింగ్ సాంకేతికతను అభివృద్ధి చేయడం అత్యంత ఖర్చుతో కూడిన వ్యవహారంగా ఉండేది.
అయితే, ఆ తర్వాత రానురాను కంప్యూటర్లు మెరుగవ్వడంతో ఆ ఆలోచన కార్యరూపం దాల్చేందుకు అవకాశాలు పెరిగాయి.

జార్జ్ లారర్ కొత్త ఆలోచన
ఆ వృత్తాకార చారల స్కానింగ్ చేసే సాంకేతికత ఏళ్లు గడిచే కొద్దీ మరింత మెరుగవుతూ వచ్చింది. 1950ల్లో ఇంజినీర్ డేవిడ్ కొలిన్స్ తొలిసారిగా రైలు బోగీలకు గీతలతో కోడ్ వేశారు.

జోసెఫ్ వుడ్‌లాండ్ సృష్టించిన ఆ వృత్తాకార చారల కోడ్ కంటే, దీర్ఘచతురస్రాకారంలో కోడ్ ఉంటే మరింత మెరుగ్గా ఉంటుందని 1970 ప్రారంభంలో ఐబీఎం ఇంజనీర్ జార్జ్ లారర్ ఒక ఆలోచన చేశారు. అదే బార్ కోడ్.
కంప్యూటర్‌ ప్రింటర్‌తో వృత్తాకార చారల కంటే నిలువు గీతలను సులువుగా ప్రింట్ చేసే వీలుంటుందన్నది ఆయన ఆలోచన.
లేజర్‌లు, కంప్యూటర్‌లతో పనిచేసే ఒక సాంకేతిక వ్యవస్థను ఆయన అభివృద్ధి చేశారు. అవి సంచుల మీద వేసిన కోడ్‌ను అది అత్యంత వేగంగా స్కాన్ చేసింది.
1974లో అమెరికాలోని ఒహయ్యోలో ఉన్న మార్ష్ సూపర్ మార్కెట్‌లో తొలిసారిగా చూవింగ్ గమ్‌ను బార్‌కోడ్‌తో అమ్మారు.
ఖర్చును, సమయాన్ని తగ్గించే సాంకేతికతగా ఆ సాంకేతికత ప్రపంచవ్యాప్తంగా విస్తరించింది. ఇప్పుడు వీధుల్లోని చిన్న కిరాణా కొట్టు మొదలుకొని ఎక్కడికెళ్లినా, ఏ వస్తువు చూసినా బార్ కనిపిస్తుంది.

1 comment:

  1. It's really amazing. What not, everything is useful. Informative.
    Thanks to the TEAM. TEAM are the Leader's.

    ReplyDelete

Teachers INFO

  • SCERT - OFFICIAL - 10th class new pattern Model papers Latest
  • CLICK FOR MORE

Teachers News,Info

  • CCE Formative Assessment Tools and Guidelines for FA1, FA2, FA3, FA4 in AP Schools,FA Model papersLatest
  • CLICK FOR MORE
    Acadamic Reated Lables

District wise info

More
AP District wise updates

Pimary Classes TLM,Material

  • June Month Syllabus - 1 to 5th Telugu / English RhymesLatest
  • CLICK FOR MORE
    TLM For Primary Classes( 1 to 5th ) subject wise
    TLM For Class wise

High school -TLM,Material

CLICK FOR More

TLM @ High school classes(6 to 10th)Subject Wise
TLM , Studyy Material For High school classes

General Issues

CLICK FOR MORE
General Lables

Students Related Info

CLICK FOR MORE
STUENTS INFORMATION LABLES

AP District wise Updates

More
AP District wise updates

Follow by Email

To get updates from aptnusinfo.blogspot.com to your Email directly,Enter your email id and click submit button,Then a popup windo will open,then type the Captcha code,Then go t your mail inbox,a confirmation mail will be there, verify that.Next onwards when ever i post a new one automatically a mail will be sent you.
Top