ఐహెచ్‌ఎస్‌లో చేరటానికి ఏ విధమైన పెట్టుబడులు పెట్టనవసరం లేదని అమెజాన్ వివరించింది. ఇందులో స్థానిక దుకాణదారులు తమ దుకాణానికి రెండు నుంచి నాలుగు కిలోమీటర్ల పరిధిలో ఉన్న అమెజాన్ వినియోగదారులకు ఉత్పత్తులను అందించాల్సి ఉంటుంది. ఇందుకుగాను ప్రతి డెలివరీకి నియమిత మొత్తాన్ని సంస్థ అందజేస్తుంది. సరాసరిన రోజుకు 20 నుంచి 30 ప్యాకేజీలను అందించటం ద్వారా మంచి ఆదాయాన్ని పొందవచ్చని అమెజాన్ వివరించింది. అంతేకాకుండా వారి దుకాణాలను తమ పికప్‌ పాయింట్లుగా మార్చటం ద్వారా వారికి రెండింతల ప్రతిఫలం లభిస్తుందని అమెజాన్ అంటోంది.
ప్రస్తుతానికి మహానగరాలలోనే కాకుండా దేశవ్యాప్తంగా వరంగల్‌, గుంటూరు, తిరుపూర్‌, బెలగామ్‌, రాయ్‌పూర్‌, అమృత్‌సర్‌, నాసిక్‌, డెహ్రాడూన్‌ వంటి 180 చిన్న పట్టణాలలో కూడా తమ ఐహెచ్‌ఎస్‌ భాగస్వాములున్నారని అమెజాన్ ప్రకటించింది. ఈ విధంగా తాము, వారు కూడా లాభపడే ఐహెచ్‌ఎస్‌ సరఫరా విధానాన్ని త్వరలో పల్లెలకు కూడా విస్తరించనున్నట్టు అమెజాన్ తెలిపింది.
0 Comments:
Post a Comment