అమరావతి: బ్యాంకులకు ఈ నెల రెండో వారంలో వరుసగా సెలవులు రానున్నాయి. ఆరు రోజుల్లో బ్యాంకులు కేవలం మూడు రోజులు మాత్రమే పనిచేయనున్నాయి. ఆగస్టు 10న రెండో శనివారం, 11న ఆదివారం, 12న బక్రీదు రావడంలో వరుసగా మూడు రోజుల పాటు బ్యాంకులు పనిచేయవు. ఆ తర్వాత రెండు రోజుల విరామం అనంతరం ఆగస్టు 15న స్వాతంత్య్రదినో త్సవం కావడంలో బ్యాంకులకు సెలవు. ఆయా సెలవు దినాల్లో నెఫ్ట్‌, ఆర్టీజీఎస్‌ వంటి ఆన్‌లైన్‌ చెల్లింపులు కూడా పనిచేయకపోవచ్చు. ఇదిలా ఉండగా అటు బ్యాంకులతో పాటు ఇటు ఏటీఎంలలో కూడా నగదు లేక మూతపడే అవకాశం లేకపోలేదని ఓ బ్యాంకు అధికారి చెప్పుకొచ్చారు. ప్రజలు ఎటువంటి ఇబ్బందులు పడకుండా బ్యాంకర్లు ప్రత్యామ్నాయ ఏర్పాట్లు ఏ మేరకు చేపడతారనే అంశంపై స్పష్టత లేదు.
0 Comments:
Post a Comment