Search This Blog

FLASH NEWS ⚡⚡⚡ ఫ్లాష్ న్యూస్...

MORE TO VIEW

Monday, 23 May 2022

AP Politics: నవంబర్ లో ఏపీ అసెంబ్లీ రద్దు..? జగన్ ఎన్నికల వ్యూహాం ఇదేనా..? లండన్ లో కీలక భేటీ..?

 AP Politics: నవంబర్ లో ఏపీ అసెంబ్లీ రద్దు..? జగన్ ఎన్నికల వ్యూహాం ఇదేనా..? లండన్ లో కీలక భేటీ..?

ఆంధ్రప్రదేశ్ (Andhra Pradesh) లో ముందస్తు ఎన్నికలు జరుగుతాయన్న ప్రచారం జోరుగా సాగుతోంది.
ఇటీవల జరుగుతున్న పరిణామాలు, వైసీపీ (YSRCP) ముఖ్యనేతల కామెంట్స్ వంటివన్నీ సీఎం జగన్ (AP CM YS Jagan) ముందస్తుకు వెళ్లబోతున్నారన్న ఊహాగానాలకు ఊతమిస్తున్నాయి. ఏపీలో రెండేళ్ల ముందుగానే ఎన్నికల హాడవిడి మొదలైపోయింది. ఒక వైపు ప్రతిపక్ష పార్టీ ప్రజల్లోనే ఉంటుంటే మరో వైపు అధికారపార్టీ నేతలు కూడా ఎదో ఒక కార్యక్రమంతో ప్రజల్లో ఉండే ప్రయత్నాలు చేస్తున్నారు. ఇప్పటికే ప్రతిపక్ష పార్టీ నేతలు రోజుకో రొడ్డు షో తో ప్రజల్లో ఉంటున్నారు. ప్రతిపక్ష తెలుగు దేశం ప్రభుత్వ వైఫల్యాలను ఎండకడుతూ కార్యక్రమాలు నిర్వహాస్తోంది. అందులో భాగంగా తెలుగు దేశం చెపట్టిన కార్యక్రమాల్లో ఒక్కటైన బాదుడు బాదుడు పట్ల ప్రజల్లో విశేష స్పందన వస్తోంది.

దీంతో ప్రభుత్వం ఎప్పుడు ముందుస్తుకు వెళ్లిన అది తమకే కలిసోస్తుందనే ఆలోచనలో ఆ పార్టీనేతలు ఉన్నారు. ఇదిలా ఉంటే జగన్ సర్కార్ మాత్రం ఎన్నికలకు ఇంకా రెండేళ్లు సమయం ఉన్నప్పటికీ ముందుస్తుకు వెళ్లాలనే నిర్ణయం తీసుకున్నట్లు తెలుస్తోంది. అన్ని అనుకూలిస్తే ఈ ఏడాది నవంబర్ లో అసెంబ్లీని రద్దు చేసి ఎన్నికలకు వెళ్లాలనే ఆలోచనలో జగన్ ఉన్నట్లు సమాచారం. ఇది దృష్టిలో పెట్టుకోనే జగన్ గడప గడపకు మన ప్రభుత్వం అనే కార్యక్రమాని డిజైన్ చేసిట్లు సమాచారం.
మరోవైపు తెలుగు దేశం కూడా జగన్ ఎప్పుడైన ఎన్నికలకు రెడీ అవుతారనే సమాచారంతో అన్ని సన్నద్దం చేసుకుంటుంది. ఇందులో భాగంగానే వచ్చే ఎన్నికల్లో ప్రభుత్వ వ్యతిరేక ఓటు చీలకుండ జాగ్రత్తు లు పడుతుంది. ఇప్పటికే జనసేన అధినేత పవన్ తో టచ్ లో ఉన్న తెలుగు దేశం.. మరో పార్టీ బీజేపీని కూడా తమ కూటమిలోకి చేర్చే బాధ్యతను పవన్ కు అప్పగించినట్లు సమాచారం.
మొత్తానికి ప్రభుత్వం వ్యతిరేక పార్టీలు అన్ని ఒక్కతాటిపైకి వచ్చి వచ్చే ఎన్నికల్లో ప్రభుత్వ వ్యతిరేక ఓటు చీలకుండా కట్టుదిట్టమైన వ్యూహాలు వేస్తోంది. మరో వైపు జగన్ ప్రతిపక్ష వ్యూహాలును దెబ్బకొట్టేందుకు ఢిల్లీ స్థాయిలోనే పావులు కదుపుతున్నారు. రాష్ట్ర విభజన తరువాత అడ్రస్ లేకుండా పోయిన కాంగ్రెస్ పార్టీని ఇప్పుడు మళ్లీతెరపైకి తీసుకొచ్చి కొంతైనా ప్రభుత్వ వ్యతిరేక ఓటు ను చీల్చగలిగితే ప్రతిపక్ష పార్టీలు వేస్తోన్న వ్యూహానికి కొంత మేరైన అడ్డుకట్ట వేయోచ్చనే ఆలోచనలో ఉన్నట్లు సమాచారం. అందులో భాగంగానే మాజీ సీఎం కిరణ్ కుమార్ రెడ్డిని తెరపైకి తీసుకొచ్చింది కూడా జగన్ పార్టీ నేతలనే టాక్ వినిపిస్తోంది.
దీంతోపాటు వచ్చే ఎన్నికల్లో 50 నుంచి 60 శాతం మేరకు కొత్త వారికి టిక్కెట్స్ ఇవ్వడం వెనుక కూడా ఇదే వ్యూహాం ఉన్నట్లు సమాచారం. ప్రస్తుతం పార్టీలో ఉన్న కొంత మంది నేతల పట్ల చాలా వ్యతిరేకత ఉన్న నేపథ్యంలో వచ్చే ఎన్నికల్లో వాటి ప్రభావం పార్టీపై పడే అవకాశం కూడా ఉందని జగన్ భావిస్తోన్నట్లు తెలుస్తుంది. దీంతోపాటు ప్రశాంత్ కిషోర్ సర్వేలో కూడా దాదాపు 50 మంది సిట్టింగ్ ఎమ్మెల్యే పట్ల ప్రజల్లో వ్యతిరేకత ఉందని రిపోర్ట్ రావడంతో జగన్ కూడా ఇందుకు సుముఖంగా ఉన్నట్లు సమాచారం.
అన్ని అనుకూలిస్తే ఈ ఏడాది నవంబర్ లో అసెంబ్లీని రద్దు చేసి ఎన్నికలకు వెళ్లాలని జగన్ భావిస్తున్నట్లు తెలుస్తోంది. ఇందులో భాగంగానే మొన్న దావోస్ మార్గమధ్యంలో ప్లైట్ ను లడన్ లో ల్యాండ్ చేయించి అక్కడ కేటీఆర్ తో రహాస్య బేటీ కూడా నిర్వహించారని ప్రతిపక్ష పార్టీలు ఆరోపిస్తోన్నాయి.


Inspiration : ఒకేసారి ఆరు ఐఐటీల్లో సీటు, జాతీయస్థాయిలో ప్రతిభ చూపిన ధర్మపురి యువకుడు

 Inspiration : ఒకేసారి ఆరు ఐఐటీల్లో సీటు, జాతీయస్థాయిలో ప్రతిభ చూపిన ధర్మపురి యువకుడు

ఐఐటీలో సీటు రావడం మాటలు కాదు. ఎంతో కఠోర శ్రమ ఉంటే సీటు సాధించగలమని విద్యార్థులు చెబుతుంటారు. అలాంటి ప్రతిష్టాత్మక జాతీయ సంస్థల్లో అవలీలగా సీటు సాధించాడో యువకుడు.

ఒకటి కాదు ఏకంగా ఆరు ఐఐటీల్లో సీటు సాధించాడు ఉమ్మడి కరీంనగర్ జిల్లాకు చెందిన విద్యార్థి. ఉమ్మడి కరీంనగర్ జిల్లా ధర్మపురికి చెందిన ఆదిత్య గేట్ పరీక్ష రాసి ఆల్ ఇండియా స్థాయిలో 24వ ర్యాంకు సాధించి మొదటి విడతలోనే ఆరు ఐఐటీల్లో సీటు సంపాదించాడు. చదువులో మొదటి నుంచి ముందు వరుసలో ఉండే అదిత్య ఎస్ఎస్సీ కరీంనగర్ లోని గౌతమ్ మోడల్ స్కూల్ నుంచి కంప్లీట్ చేశాడు. ఆ తర్వాత ట్రినిటీ కాలేజీలో ఇంటర్ టాపర్ గా నిలిచి ఎంసెట్లో ర్యాంకు ద్వారా హన్మకొండలోని కాకతీయ ఇన్స్టిట్యూట్ ఆఫ్ టెక్నాలజీ అండ్ సైన్స్ లో బీటెక్ సీటు సంపాదించాడు. ఆ తరువాత గేట్ ఎంట్రన్స్ టెస్ట్ రాసి కర్ణాటకలోని నేషనల్ ఇన్స్టిట్యూట్ ఆఫ్ టెక్నాలజీ లో ఎంటెక్ సీటు సంపాదించాడు. తరువాత ఉద్యోగం కోసం ప్రయత్నం చేసి టీసీఎస్ కి ఎంపికయ్యాడు. మరికొద్ది రోజులకే మరోసారి జూనియర్ టెలికం ఆఫీసర్ హోదాలో బీఎస్ఎన్ఎల్ ఉద్యోగానికి ఎంపికై కేరళలో ప్రస్తుతం పనిచేస్తున్నాడు.

గేట్ పరీక్షతో సీట్ల దండయాత్ర ఇలా

బీఎస్ఎన్ఎల్ లో జాబ్ వచ్చిన తర్వాత కూడా ఆదిత్య తన చదువు కొనసాగించాలని నిర్ణయించుకున్నాడు. అటు ఉద్యోగం చేస్తూనే ఇటు గేట్ పరీక్షకి ప్రిపేర్ అయి మళ్లీ పరీక్ష రాశాడు. ఈసారి ఏకకాలంలో 6 ఐఐటీల్లో మొదటి విడతలోనే సీటు లభించింది. దిల్లీ, ముంబయి, రూర్కీ, మద్రాస్ ,గౌహతి , ఖరగ్పూర్ లలో ఉన్న ఇండియన్ ఇన్స్టిట్యూట్ ఆఫ్ టెక్నాలజీ కాలేజీల్లో అడ్మిషన్ సాధించిన ఆదిత్య సక్సెస్ నిజంగా వండర్ అని చెప్పవచ్చు .ఇండియన్ ఇంజనీరింగ్ సర్వీస్ తన లక్ష్యంగా చెబుతున్న ఆదిత్య ఇప్పటికే ఆ పరీక్ష కోసం పూర్తి స్థాయిలో ప్రిపేర్ అయి అందులోనూ ప్రిలిమ్స్ పూర్తి చేయడమే కాకుండా మెయిన్ పరీక్ష కూడా సెలెక్ట్ అయ్యాడు. దిల్లీ ఐఐటీలోని కంట్రోల్ అండ్ ఆటోమేషన్ తో పాటు టెలికమ్యూనికేషన్ టెక్నాలజీ మేనేజ్మెంట్ రెండు విభాగాల్లోనూ ఆదిత్యకు అవకాశం దక్కింది. అత్యంత ప్రతిష్ఠాత్మకమైన బెంగళూరు ఇండియన్ ఇన్స్టిట్యూట్ ఆఫ్ సైన్స్ లో ఇంటర్వ్యూ వరకు వెళ్లాడు ఆదిత్య. దీనికి సంబంధించి రిజల్ట్స్ రావాల్సి ఉంది. వరస విజయాలు సాధిస్తున్న ఆదిత్య కమిట్మెంట్ పట్ల స్థానిక ధర్మపురి వాసులు హర్షం వ్యక్తం చేస్తున్నారు. చదువు పట్ల శ్రద్ధ చూపేలా చేసిన అతని పేరెంట్స్ కాకేరీ లలిత , సనత్ కుమార్ లని అభినందిస్తున్నారు.

పదో తరగతి మూల్యాంకనంలో ఉపాధ్యాయుడి హఠాన్మరణం

 పదో తరగతి మూల్యాంకనంలో ఉపాధ్యాయుడి హఠాన్మరణం..

నెల్లూరు (విద్య) : పదో తరగతి మూల్యాంకనంలో చీఫ్‌ ఎగ్జామినర్‌గా విధులు నిర్వహిస్తున్న ఉపాధ్యాయుడు టి.కృష్ణ (52) శనివారం హఠాన్మరణం చెందారు.
ఆయన చిల్లకూరు మండలం తిక్కవరం జడ్పీ ఉన్నత పాఠశాలలో ఎస్‌ఏ బయాలజీ ఉపాధ్యాయులుగా పనిచేస్తున్నారు. దర్గామిట్ట సెయింట్‌ జోసఫ్‌ పాఠశాలలో స్పాట్‌ వాల్యుయేషన్‌లో విధులు నిర్వహిస్తున్నారు. శనివారం విధులకు హాజరైన ఆయన.. పేపర్లను పరిశీలించే క్రమంలో అస్వస్థతకు గురై కుప్పకూలారు. సిబ్బంది ఆయన్ను జీజీహెచ్‌కు తరలించారు. పరిశీలించిన వైద్యులు గుండెపోటుతో అప్పటికే మృతిచెందారని ధ్రువీకరించారు.



Rock Salt : సైంధవ లవణంతో ఉపయోగాలు ఎన్నో.. తప్పనిసరిగా ఇంట్లో ఉండాలి..!

 Rock Salt : సైంధవ లవణంతో ఉపయోగాలు ఎన్నో.. తప్పనిసరిగా ఇంట్లో ఉండాలి..!

Rock Salt : ఆయుర్వేదంలో ఔషధాల తయారీలో ఎక్కువగా ఉపయోగించే వాటిల్లో సైంధవ లవణం ఒకటి. దీనినే రాక్ సాల్ట్, హిమాలయన్ సాల్ట్, పింక్ సాల్ట్ అని కూడా అంటుంటారు.

సాధారణ ఉప్పు సముద్రం నుండి లభిస్తుంది. సైంధవ లవణం హిమాలయ పర్వతాల దగ్గర లభిస్తుంది. సాధారణ ఉప్పు కంటే సైంధవ లవణం ఎంతో శ్రేష్టమైనదని నిపుణులు చెబుతున్నారు. మనకు వచ్చే అనేక అనారోగ్య సమస్యలను నయం చేయడంలో ఇది ఉపయోగపడుతుందని, దీనిని వాడడం వల్ల శరీరానికి ఎంతో మేలు కలుగుతుందని వారు చెబుతున్నారు.

థైరాయిడ్ సమస్య ఉన్న వారు సాధారణ ఉప్పుకు బదులుగా దీనిని వాడడం వల్ల మంచి ఫలితాలు కలుగుతాయి. అజీర్తి కారణంగా వాంతులు అవుతున్నప్పుడు సైంధవ లవణానికి జీలకర్ర పొడిని కలిపి తీసుకోవడం వల్ల వాంతులు తగ్గుతాయి. జీర్ణ శక్తిని పెంచడంలో, గ్యాస్, అజీర్తి వంటి సమస్యలను తగ్గించడంలో ఇది ఎంతో ఉపయోగపడుతుంది. బరువు తగ్గాలనుకునే వారు సాధారణ ఉప్పుకు బదులుగా సైంధవ లవణాన్ని ఉపయోగించడం వల్ల ఫలితం అధికంగా ఉంటుంది.

Rock Salt

గొంతు నొప్పి, గొంతులో ఇన్ ఫెక్షన్స్ వంటి వాటితో బాధపడుతున్న వారు నీటిలో సైంధవ లవణాన్ని వేసి కలిపి తాగడం వల్ల ఈ సమస్యల నుండి ఉపశమనం పొందవచ్చు. ఈ నీటిని రోజూ మూడు పూటలా నోట్లో పోసుకుని పుక్కిలించడం వల్ల నోటి దుర్వాసన తగ్గుతుంది. చిగుళ్ల సమస్యలు, దంతాల సమస్యలు తగ్గుతాయి. మనం రోజూ ఉపయోగించే టూత్ పేస్ట్‌కు కొద్దిగా సైంధవ లవణాన్ని కలిపి దంతాలను శుభ్రం చేసుకోవడం వల్ల దంతాలు తెల్లగా అవుతాయి. నోటి దుర్వాసన కూడా తగ్గుతుంది.

కీళ్ల నొప్పులు, వాపులు, కీళ్లు బెణకడం వంటి వాటికి ముందుగా నువ్వుల నూనెతో మర్దనా చేసి సైంధవ లవణంతో కాపడం పెట్టడం వల్ల అద్భుతమైన ఫలితాలు కనిపిస్తాయని నిపుణులు చెబుతున్నారు. వంటల్లో సాధారణ ఉప్పుకు బదులుగా సైంధవ లవణాన్ని ఉపయోగించడం వల్ల శరీరంలో జీవక్రియలు మెరుగుపడతాయి. ఎముకలు, చర్మం, జుట్టు ఆరోగ్యం మెరుగుపడుతుంది.

నాలుగు టీ స్పూన్ల వామును వేయించి పొడిగా చేసి దానికి ఒక టీ స్పూన్ సైంధవ లవణాన్ని కలిపి నిల్వ చేసుకోవాలి. ఈ మిశ్రమాన్ని తీసుకోవడం వల్ల అజీర్తి వల్ల కలిగే సమస్యలన్నీ తగ్గుతాయి. కీళ్ల నొప్పులు, కండరాల నొప్పులు, వాతపు నొప్పులు ఉన్నప్పుడు ఈ మిశ్రమాన్ని పావు టీ స్పూన్ చొప్పున తీసుకుని నాలుక మీద వేసుకుని చప్పరిస్తూ ఉండడం వల్ల ఈ సమస్యల నుండి ఉపశమనం లభిస్తుంది. నోటిలో లాలాజలం ఎక్కువగా ఉత్పత్తి అయ్యే వారు ఈ మిశ్రమాన్ని తరచూ తీసుకుంటూ ఉండడం వల్ల అధిక ప్రయోజనం ఉంటుందని ఆయుర్వేద వైద్య నిపుణులు చెబుతున్నారు.

Fish Health Benefits: చేపలు ఎక్కువగా తింటే వీటికి చెక్‌ పెట్టొచ్చు.. పరిశోధనలలో కీలక విషయాలు..!

 Fish Health Benefits: చేపలు ఎక్కువగా తింటే వీటికి చెక్‌ పెట్టొచ్చు.. పరిశోధనలలో కీలక విషయాలు..!

Fish Health Benefits: కొన్ని ఆహారాలను తరుచుగా తీసుకుంటే ఆరోగ్యంగా ఉండడమే కాకుండా వచ్చే వ్యాధులు దరి చేరకుండా కాపాడుకోవచ్చు. ముఖ్యంగా చేపలు తినడం వల్ల ఎన్నో ఉపయోగాలున్నాయి.
చేపల పులుసే కాదు చేపల వేపుడు కూడా అద్భుతంగా ఉంటుందని, ఏదో ఒక రూపంలో చేపలను వారంలో కనీసం రెండు, మూడు సార్లు అయినా తినడం వల్ల అనేక అద్భుతమైన ప్రయోజనాలు ఉన్నాయని వైద్య నిపుణులు చెబుతున్నారు. చేపలతో మానసిక ఆందోళన తగ్గింపు: చేపలతో మానసిక ఆందోళన తగ్గుతుందని, ప్రతి రోజు ఎదురయ్యే ఒత్తిడిని తగ్గించేందుకు చేపలు ఎంతగానో ఉపయోగపడతాయని శాస్త్రవేత్తలు చెబుతున్నారు. చేపల్లో ఉండే ఒమెగా 3 ఫ్యాటీ యాసిడ్లు కీళ్ల నొప్పులను తగ్గించేందుకు ఉపయోగపడతాయి. గొంత క్యాన్సర్‌, నోటి క్యాన్సర్‌ ఇతర రకాల క్యాన్సర్లు రాకుండా అడ్డుకుంటాయని అమెరికా శాస్త్రవేత్తలు నిర్వహించిన అధ్యయనంలో తేలింది.

మతిమరుపు సమస్యలకు చెక్‌: చాలా మందికి మతిమరుపు సమస్య ఉంటుంది. గతంలో వయసు మీద పడుతున్నవారికి మాత్రమే మతిమరుపు సమస్య ఉండేది. కానీ ఇప్పుడున్న బిజీ లైఫ్‌లో మధ్య వయసు నుంచే మతిమరుపు సమస్య వెంటాడుతోంది. కొందరికి తీవ్రమై అల్జీమర్స్‌కు దారి తీస్తుంటుంది. అలాంటి సమస్యతో బాధపడుతున్నవారికి చేపలు తినడం వల్ల ఆ సమస్య నుంచి గట్టెక్కవచ్చని చెబుతున్నారు. ఈ విషయం 2016లో అమెరికన్‌ శాస్త్రవేత్తలు పలు పరిశోధనల ద్వారా గుర్తించారు. అంతేకాకుండా చేపలు తినడం వల్ల మెదడు పనితీరు మెరుగ్గా ఉంటుందని, జ్ఞాపక శక్తి కూడా పెరుగుతుందంటున్నారు.
గుండె జబ్బులు: చేపలు ఎక్కువగా తినడం వల్ల గుండె జబ్బుల నుంచి బయటపడవచ్చని చెబుతున్నారు. చేపలు అధికంగా తినే వారిలో గుండె సమస్యలు రావని అమెరికన్‌ జర్నల్‌ ఆప్‌ కార్డియాలజీలో ఓ అధ్యయనం ద్వారా తేలింది. చేపలలో ఒమెగా 3ఫ్యాటీ యాసిడ్లు రక్తంలో ఉండే ట్రై గ్లిజరైడ్లను తగ్గిస్తాయి. దీంతో రక్తనాళాల్లో ఎలాంటి అడ్డంకులు ఏర్పడకుండా కాపాడుతాయి.
స్త్రీల సమస్యకు: స్త్రీలలో రుతుక్రమం సమస్యకు చేపలు ఎంతగానో ఉపయోగపడతాయి. ఆ సమయంలో ఇతర అనారోగ్య సమస్యలు రాకుండా చేపలు ఎంతగానో ఉపయోగపడతాయని నిపుణులు చెబుతున్నారు. స్త్రీలు తరచుగా చేపలు తినడం వల్ల ఎన్నో అనారోగ్య సమస్యలను దూరం చేసుకోవచ్చని సూచిస్తున్నారు.
చేపలలో మరికొన్ని పోషకాలు: చేపలలో అనేకమైన మాంసకృతులతో పాటు శరీరానికి మేలు చేసే గుణాలు ఎన్నో ఉన్నాయి. కాల్షియం, పాస్పరస్‌, ఐరన్‌, మెగ్నీషియం, కాపర్‌, జింక్‌ వంటి ఖనిజ పోషకాలు ఎన్నో లభిస్తాయి. చేపలు కొవ్వులు చాలా సులభంగాజీర్ణమై శక్తిని అందిస్తాయి. చిన్న పిల్లల నుంచి వృద్ధుల వరకూ ఎవరైనా తినవచ్చు.
చేపలతో జ్ఞాపకశక్తి పెంపు: చేపల్లో ఉన్న కొవ్వు మన శరీరంలో రక్త పీడనంపై మంచి ప్రభావం చూపుతాయి. ఓమేగా 3 కొవ్వు ఆమ్లాలలో డీహెచ్‌ఏ, ఈపీఏ వంటివి కంటి చూపునకు ఎంతో మేలు చేస్తాయి. అలాగే జ్ఞాపకశక్తిని కూడా పెంచుతాయి.
చేపల్లో బీ12 విటమిన్‌: చేపల్లో బీ12 విటమిన్‌, రైబోప్లవిన్‌, నియాసిన్‌, బయెటిక్‌, థయామిన్‌ తదితర విటమిన్లు లభిస్తాయి. సముద్ర చేపల కాలేయంలో విటమిన్‌ఏ,డీ, ఈ వంటి విటమిన్లు పుష్కలంగా లభిస్తాయి. చేపలు గుండెకు సంబంధిత వ్యాధులకు, ఆస్తమా, షూగర్‌ వ్యాధి గ్రస్తులకు మంచి ఆహారంగా పని చేస్తుంది. ముఖ్యంగా గర్భిణులు, పిల్లల తల్లులకు ఎంతో మేలు. పిల్లల్లో జ్ఞాపకశక్తి, నాడీ వ్యవస్థ అభివృద్ధి చేస్తాయి చేపలు. దేశీయ మార్పు చేపల్లో ఐరన్‌, కాపర్‌ వంటి ఖనిజ పోషకాలు ఎన్నో లభిస్తాయి. మృగశిర కార్తె రోజు చేపలను ఏ రూపంలో తిన్నా మన ఆరోగ్యానికి ఎంతో మేలు జరుగుతుంది.


Summer Tips : ఇలా చేస్తే పాలు విరగవు!

 Summer Tips : ఇలా చేస్తే పాలు విరగవు!

ఎన్ని జాగ్రత్తలు తీసుకున్నా వేసవిలో వేడికి పాలు విరిగిపోవడం కామన్‌. ఒక్కోసారి ఫ్రిజ్‌లో నుంచి తీసిన పాలు వేడి చేస్తున్నప్పుడు కూడా ఇలా జరగడం చూస్తుంటాం.
పాలలోని పీహెచ్‌ స్థాయులు తగ్గడమే ఇందుకు కారణమంటున్నారు నిపుణులు. ఏదేమైనా పాలు విరిగిపోకుండా ఉండాలంటే వాటిని వేడి చేసే విషయంలో, నిల్వ చేసేటప్పుడు కొన్ని విషయాలు దృష్టిలో ఉంచుకోవాలని చెబుతున్నారు. అవేంటో తెలుసుకుందాం రండి..

* పిండిన పాలను వేడి చేయకుండా ఎక్కువ సేపు గది ఉష్ణోగ్రత వద్ద ఉంచినా పాలు త్వరగా విరిగిపోతాయి. కాబట్టి ఇంటికి తెచ్చిన వెంటనే వాటిని మరిగించి పక్కన పెట్టడం మంచిది.
* ఇవాళ రేపు ప్రతి ఒక్కరి ఇంట్లో ఫ్రిజ్‌ ఉంటుంది. ఒకవేళ ఆ సదుపాయం లేదనుకున్నప్పుడు ప్రతి నాలుగైదు గంటలకోసారి వేడి చేయడం మాత్రం మర్చిపోవద్దు.

* పట్టణాలు, నగరాల్లో చాలామంది సాయంత్రం/రాత్రి పూట పాలు పోస్తుంటారు. ఈ సమయంలో అవి చల్లారవన్న ఉద్దేశంతో వాటిని నేరుగా ఫ్రిజ్‌లో పెట్టిన ఉదయానికి విరిగిపోతుంటాయి. కాబట్టి ఆలస్యం చేయకుండా వాటిని మరిగించాలి. ఆపై కాస్త గోరువెచ్చగా అయ్యాక ఆ గిన్నెను చల్లటి నీళ్లలో లేదంటే ఐస్‌ముక్కల మధ్య కాసేపు ఉంచితే పాలు చల్లారిపోతాయి. తర్వాత ఫ్రిజ్‌లో పెడితే సరిపోతుంది.

* ఎక్కువ మొత్తంలో పాలు తీసుకున్నప్పుడు.. అవి ఒకట్రెండు రోజుల పాటు తాజాగా నిల్వ చేసుకోవాల్సి ఉంటుంది. ఇలాంటప్పుడు వేడి చేసి చల్లార్చిన పాలను ప్లాస్టిక్‌, గాజు, స్టీల్‌ క్యాన్‌.. వంటి వాటిలో నిల్వ చేస్తే అవి విరిగిపోకుండా జాగ్రత్తపడచ్చంటున్నారు నిపుణులు.

 

* వేడి చేయకుండా ఎక్కువ సేపు ఉంచిన పాలు విరిగిపోతాయనుకుంటే.. వేడి చేసే ముందు అందులో చిటికెడు బేకింగ్‌ సోడా వేసి బాగా కలపాలి. ఆపై మరిగిస్తే ఫలితం ఉంటుంది.

* ఫ్రిజ్‌లో వెనక వైపు, కింది అరల్లో, ఫ్రీజర్‌కి దగ్గరగా బాగా చల్లటి వాతావరణం ఉంటుంది. కాబట్టి ఆయా ప్రదేశాల్లో పాలను నిల్వ ఉంచడం వల్ల అవి పాడవకుండా/విరిగిపోకుండా కాపాడుకోవచ్చు. అలాగే ఫ్రిజ్‌ డోర్‌ వద్ద వీటిని అస్సలు నిల్వ చేయకూడదు.

* వేడి చేసి చల్లార్చిన ఆవు పాలు విరిగిపోకుండా ఉండాలంటే.. ఫ్రిజ్‌లో ఉష్ణోగ్రతను 32 డిగ్రీల ఫారన్‌హీట్‌ నుంచి 39.2 డిగ్రీల ఫారన్‌హీట్‌ మధ్యలో సెట్‌ చేసుకోవాలి.

వీటన్నింటితో పాటు ఆయా కాలాలకు అనుగుణంగా ఫ్రిజ్‌లో ఉష్ణోగ్రతను మార్చుకోవడం మర్చిపోవద్దు. దీనివల్ల బయటి వాతావరణానికి అనుగుణంగా ఫ్రిజ్‌లో ఉష్ణోగ్రతలు మారుతూ పాలు, ఇతర ఆహార పదార్థాలు చెడిపోకుండా జాగ్రత్తపడచ్చు.

ఒకవేళ పాలు విరిగిపోయినప్పటికీ వాటిని పడేయకుండా.. కలాకండ్‌, రస్‌మలై, కోవా.. వంటి స్వీట్స్‌తో పాటు పనీర్‌ కూడా తయారుచేసుకోవచ్చు.


Massive Asteroid: భూమి వైపు దూసుకొస్తున్న భారీ గ్రహశకలం.అలర్ట్ చేసిన నాసా..!!

 Massive Asteroid: భూమి వైపు దూసుకొస్తున్న భారీ గ్రహశకలం.అలర్ట్ చేసిన నాసా..!!

అమెరికా అంతరిక్ష పరిశోధనా సంస్థ నాసాకు చెందిన జెట్ ప్రొపల్షన్ ల్యాబొరేటరీ భూమి వైపు ఓ భారీ గ్రహశకలం దూసుకొస్తోందని గుర్తించింది. 3,400 అడుగుల వెడల్పు ఉన్న ఈ భారీ గ్రహశకలం భూమి వైపు వేగంగా కదులుతున్నట్లు చెబుతున్నారు.
ప్రస్తుతం దీని వేగం గంటకు 47,196 కిలోమీటర్లుగా ఉందని, మే 27న ఇది భూమికి అత్యంత చేరువకు చేరుకునే అవకాశం ఉందని అంచనా చేస్తున్నారు. అంతకుముందు మే 15 న, పరిశోధకులు 1,600 అడుగుల వెడల్పు గల గ్రహశకలం గురించి సమాచారాన్ని అందించారు. ఆ గ్రహశకలం భూమికి దగ్గరగా రానప్పటికీ. నాసా ముందుగానే హెచ్చరించింది. అయితే ఈ సారి మాత్రం మునుపటి గ్రహశకలం కంటే రెండు రెట్లు ఎక్కువగా ఉందని గుర్తించింది.

అయితే ఈ భారీ గ్రహశకలం పేరు 1989 JAగా నిర్ణయించినట్లు జెట్ ప్రొపల్షన్ లాబొరేటరీ తెలిపింది. దీని పరిమాణం 3,400 అడుగులు అంటే 1.8 కిలోమీటర్ల వెడల్పు. ఇది అపోలో వర్గానికి చెందిన ఉల్కగా వర్గీకరించారు. దీన్ని మరింత సులభంగా అర్థం చేసుకోవడానికి, ఈ గ్రహశకలం దుబాయ్‌లోని బుర్జ్ ఖలీఫా కంటే రెండింతలు పెద్దది.

అయితే, పెద్దగా ఆందోళన చెందాల్సిన పనిలేదని. ఈ గ్రహశకలం భూమికి అత్యంత దగ్గరగా వచ్చినప్పుడు కూడా భూమికి, ఆ గ్రహ శకలానికి మధ్య దూరం 40 లక్షల 24 వేల 182 కిలోమీటర్లు ఉంటుందని నివేదిక తేల్చింది. అయితే ఈ గ్రహశకలం మే 27న భూమికి అత్యంత సమీపానికి వస్తుందని అంచనా వేస్తున్నారు. అయితే దీంతో ఎలాంటి ప్రభావం కనిపించదని అభిప్రాయపడ్డారు.

సాధారణంగా అపోలో వర్గానికి వచ్చే గ్రహశకలాలు భూమికి దగ్గరగా వెళతాయి. అలాగే వాటి పరిమాణం కూడా పెద్దదే. అయితే అవి భూమిని ఢీకొన్న సందర్భంలో, చాలా నష్టం జరుగుతుందని నమ్ముతారు. అయితే ఈ గ్రహశకలాన్ని సాధారణ బైనాక్యులర్స్ ద్వారా చూడవచ్చు. మళ్లీ అలాంటి ఘటనే 2029లో కనిపిస్తుంది


Teachers INFO

  • SCERT - OFFICIAL - 10th class new pattern Model papers Latest
  • CLICK FOR MORE

Teachers News,Info

  • CCE Formative Assessment Tools and Guidelines for FA1, FA2, FA3, FA4 in AP Schools,FA Model papersLatest
  • CLICK FOR MORE
    Acadamic Reated Lables

District wise info

More
AP District wise updates

Pimary Classes TLM,Material

  • June Month Syllabus - 1 to 5th Telugu / English RhymesLatest
  • CLICK FOR MORE
    TLM For Primary Classes( 1 to 5th ) subject wise
    TLM For Class wise

High school -TLM,Material

CLICK FOR More

TLM @ High school classes(6 to 10th)Subject Wise
TLM , Studyy Material For High school classes

General Issues

CLICK FOR MORE
General Lables

Students Related Info

CLICK FOR MORE
STUENTS INFORMATION LABLES

AP District wise Updates

More
AP District wise updates

Technology

To get updates from aptnusinfo.blogspot.com to your Email directly,Enter your email id and click submit button,Then a popup windo will open,then type the Captcha code,Then go t your mail inbox,a confirmation mail will be there, verify that.Next onwards when ever i post a new one automatically a mail will be sent you.
Top