Thursday, 16 August 2018

Former PrimeMinister Atal Bihari Vajpayee (25 December 1924- August 16,2018)history

మాజీ ప్రధాని, బీజేపీ తొలి అధ్యక్షుడు, ఆధునిక రాజకీయాల్లో మేరునగధీరుడు, ‘భారతరత్న’ అటల్ బిహారీ వాజ్‌పేయి ఇకలేరు. యావత్ భారతదేశాన్ని దు:ఖసాగరంలో ముంచేస్తూ గురువారం (ఆగస్టు 16) సాయంత్రం 5.05 గంటలకు ఆయన తిరిగిరాని లోకాలకు వెళ్లిపోయారు. ఆయన మృతితో బీజేపీ కార్యకర్తలు, పార్టీ శ్రేణులు, అభిమానులు శోకసంద్రంలో మునిగిపోయారు. గత కొంతకాలంగా అనారోగ్యంతో బాధపడుతున్న వాజ్‌పేయి ఆరోగ్యం మరింత క్షీణించడంతో జూన్ 11న ఆయణ్ని ఢిల్లీలోని ఎయిమ్స్‌లో చేర్పించారు. నాటి నుంచి అక్కడే చికిత్స పొందారు. బుధవారం రాత్రి వాజ్‌పేయి ఆరోగ్యం విషమించడంతో ఆయణ్ని వెంటిలేటర్‌పై ఉంచారు. గురువారం ఆరోగ్యం మరింతగా విషమించడంతో ఆయన అనంత లోకాలకు వెళ్లిపోయారు.

1924 డిసెంబర్ 25 న గ్వాలియర్‌లో జన్మించిన వాజ్‌పేయి క్విట్ ఇండియా ఉద్యమ సమయంలో రాజకీయాల్లోకి వచ్చారు. స్వాతంత్య్రానంతరం జనసంఘ్‌లో చేరిన వాజ్‌పేయి.. రాజకీయాల్లో అంచెలంచెలుగా ఎదిగారు. భారతీయ జనతా పార్టీ (బీజేపీ) వ్యవస్థాపక సభ్యుల్లో వాజ్‌పేయి ఒకరు. అనతికాలంలోనే బీజేపీలో తిరుగులేని నేతగా ఎదిగిన వాజ్‌పేయి.. ఆ పార్టీ తరఫున ప్రధాని బాధ్యతలు చేపట్టిన తొలి వ్యక్తిగా చరిత్రకెక్కారు.

అభివృద్ధికి కొత్త అర్థం.. అగ్ర రాజ్యాలకు గట్టి సంకేతాలు
పూర్తి కాలం పదవిలో ఉన్న తొలి కాంగ్రెస్సేతర ప్రధానిగా వాజ్‌పేయి ఘనత వహించారు. 1999 నుంచి 2004 వరకు భారతావనికి ప్రధానిగా వాజ్‌పేయి ఐదేళ్లపాటు సేవలందించారు. తనదైన దార్శనికత, దూరదృష్టితో దేశాభివృద్ధిని కొంత పుంతలు తొక్కించారు. సంకీర్ణ ప్రభుత్వంలోని అవరోధాలను ధైర్యంగా అధిగమించారు. అప్పటివరకూ నత్తనడకన సాగిన అభివృద్ధిని పరుగులు పెట్టించారు.

వాజ్‌పేయి ప్రవేశపెట్టిన అనేక అభివృద్ధి, సంక్షేమ కార్యక్రమాలు దేశ ప్రజల మన్ననలు పొంది నేటికీ స్ఫూర్తిదాయకంగా నిలిచాయి. పోఖ్రాన్ పరీక్షలతో దాయాది దేశం పాకిస్థాన్‌తో పాటు అగ్ర రాజ్యాలకు గట్టి సంకేతాలు పంపించారు. శాస్త్ర సాంకేతిక పరిశోధనల్లో అబ్దుల్ కలాం బృందానికి పూర్తి స్వేచ్ఛనిచ్చి భారత అంతరిక్ష పరిశోధన రంగాన్ని కొత్త పుంతలు తొక్కించారు.

ఐరాసలో ప్రసంగంతో అంతర్జాతీయ గుర్తింపు
భారత విదేశాంగ మంత్రి హోదాలో ఐక్యరాజ్య సమితిలో తొలిసారిగా హిందీలో ప్రసంగించి వాజ్‌పేయి చరిత్ర సృష్టించారు. యావత్ ప్రపంచం దృష్టిని ఆకర్షించారు. హిందీకి ప్రపంచవ్యాప్త గుర్తింపు తీసుకొచ్చారు. 1992లోనే భారత ప్రభుత్వం వాజ్‌పేయిని పద్మ విభూషణ్ అవార్డుతో సత్కరించింది. ఇక 2015లో దేశ అత్యుత్తమ పౌర పురస్కారం ‘భారతరత్న’ ఆయణ్ని వరించింది.

1996 నుంచి 1999 మధ్య వాజ్‌పేయి మూడు పర్యాయాలు ప్రధానిగా ఎన్నికయ్యారు. భారత్‌కు పదో ప్రధానిగా గుర్తింపు పొందిన వాజ్‌పేయి తొలిసారిగా 1996లో 13 రోజుల స్వల్ప కాలం ప్రధాని పీఠాన్ని అధిష్టించారు. ఆ తర్వాత ఏడాదికే మరోసారి ప్రధానిగా ఎన్నికయ్యారు. మూడోసారి 1999 నుంచి 2004 వరకు ప్రధానిగా పూర్తికాలం పనిచేశారు. సమకాలీన రాజకీయాల్లో లోక్‌సభకు 10 సార్లు ఎన్నికైన అతి కొద్ది మంది నేతల్లో ఒకరిగా వాజ్‌పేయి గుర్తింపు సాధించారు. లక్నో నుంచే ఆయన ఐదుసార్లు ఎన్నికవడం గమనార్హం. 1991, 1996, 1998, 1999, 2004లో వాజ్‌పేయి లక్నో లోక్‌సభ స్థానం నుంచి గెలుపొందారు.
నిండుసభలో శపథం.. నేడు నిజమవుతున్న వైనం
ఒకానొక దశలో లోక్‌సభలో బీజేపీ పార్టీకి కేవలం రెండు సీట్లు మాత్రమే ఉండటం, అధికార కాంగ్రెస్ పార్టీ అవహేళన చేసేవిధంగా మాట్లాడినప్పుడు నిండు సభలో వాజ్‌పేయి ప్రతిన పూనారు. ‘ఇవాళ మీకు (కాంగ్రెస్) బలం ఉందని విర్రవీగొచ్చు గాక.. కానీ, దేశం మొత్తం కాషాయమయం అయ్యే రోజు తప్పకుండా వస్తుంది’ అని ఆయన హెచ్చరించారు. ఆయన చెప్పినట్లే ప్రస్తుతం నరేంద్ర మోదీ నేతృత్వంలోని బీజేపీ పార్టీ దేశంలోని అత్యధిక రాష్ట్రాల్లో అధికారంలో ఉంది. ఉత్తర, దక్షిణ భారతం అనే తేడా లేకుండా దేశమంతటా విస్తరిస్తోంది.

2009 ఎన్నికల తర్వాత పార్టీ పదవులన్నింటికీ రాజీనామా చేసిన వాజ్‌పేయి.. నాటి నుంచి రాజకీయాలకు దూరంగా ఉంటున్నారు. వృద్ధాప్యం మీదపడటంతో పూర్తిగా ఇంటికే పరిమితమయ్యారు. డయాబెటిస్, కిడ్నీ సంబంధింత రుగ్మతలకు చికిత్స తీసుకుంటున్నారు. 2009 నుంచి ఆయన ఆరోగ్య పరిస్థితికి సంబంధించిన వివరాలను కూడా గోప్యంగా ఉంచారు. అల్జీమర్స్ కూడా రావడంతో.. ఆరోగ్య పరీక్షలకు ఎయిమ్స్‌కు వెళ్లడం మినహా ఆయన మరెక్కడికీ వెళ్లలేదు. ప్రధాని మోదీ, బీజేపీ సీనియర్ నేతలు అద్వానీ, రాజ్‌నాథ్ తదితరులు పలుమార్లు వాజ్‌పేయి ఇంటికివెళ్లి ఆయన ఆరోగ్య పరిస్థితిపై ఆరా తీశారు.

గత రెండు రోజులుగా వాజ్‌పేయి ఆరోగ్యం మరింతగా విషమించింది. వాజ్‌పేయి ఆరోగ్యం క్షీణించిందనే వార్తలతో ప్రధాని మోదీ బుధవారం సాయంత్రం ఎయిమ్స్‌కు వెళ్లి ఆయన ఆరోగ్యంపై ఆరా తీశారు. సుమారు 30 నిమిషాల పాటు ఆస్పత్రిలో ఉన్న మోదీ.. వైద్యులతో వాజ్‌పేయి ఆరోగ్యం గురించి చర్చించారు. మాజీ ప్రధాని ఆరోగ్యం అత్యంత విషమంగా ఉందని ఎయిమ్స్ డాక్టర్లు హెల్త్ బులిటెన్ విడుదల చేశారు. గురువారం ఉదయం బీజేపీ చీఫ్ అమిత్ షా‌తో పాటు పలువురు కేంద్ర మంత్రులు ఎయిమ్స్‌కు వెళ్లి వాజ్‌పేయిని పరామర్శించారు. ఆరోగ్యం మరింతగా విషమించడంతో గురువారం సాయంత్రం ఆయన తుదిశ్వాస విడిచారు. యావత్ భారతావనికి తీరని వేదన మిగిల్చారు. 

0 comments:

Post a Comment

AP UPDATES

CCE & Acadamic

  • CCE Formative Assessment Tools and Guidelines for FA1, FA2, FA3, FA4 in AP Schools,FA Model papersLatest
  • CLICK FOR MORE
    Acadamic Reated Lables

Telangana State Updates

CLICK FOR MORE

Pimary Classes TLM,Material

  • June Month Syllabus - 1 to 5th Telugu / English RhymesLatest
  • CLICK FOR MORE
    TLM For Primary Classes( 1 to 5th ) subject wise
    TLM For Class wise

High school -TLM,Material

CLICK FOR More

TLM @ High school classes(6 to 10th)Subject Wise
TLM , Studyy Material For High school classes

General Issues

CLICK FOR MORE
General Lables

Students Related Info

CLICK FOR MORE
STUENTS INFORMATION LABLES

AP District wise Updates

More
AP District wise updates

Follow by Email

To get updates from MANNAMweb.com to your Email directly,Enter your email id and click submit button,Then a popup windo will open,then type the Captcha code,Then go t your mail inbox,a confirmation mail will be there, verify that.Next onwards when ever i post a new one automatically a mail will be sent you.
Top